| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
由於BB狗插件的供應商已終止此項服務，由即日起此插件將停止運作，請用戶將其從日誌版面中移除。
不便之處，敬請原諒。
|
| 2005 年 12 月 5 日 星期一 |
 | |
冬天既氣溫  |
今日成2點先起身,11點幾就俾屋企人嘈醒左,第一句就同我講"係咪放假丫????11點幾喇.....遲到喇!!!!",我就講左"係丫.......我今日放假丫!!!"心諗你唔一早嘈醒我????見遲到先叫我????如果俾著以前我就一句粗口小佢地嫁,同埋佢地都唔理我遲唔遲到,但係今時今日就唔同左喇!!!!真係俾佢地叫脹,係咪屎忽痕呢????
全日都係屋企hea,終於都可以抖下喇,今日好鬼懶,係咪因為今日凍左既關係呢???kakaaa~終於都凍喇,希望聖誕都係咁喇!!!
點解d人要遊行????有冇人話俾我知???咩叫普選???我都係一個香港人黎嫁..........點解我咩都唔知????過份~
ps.依時氣溫13度,新界地區再低一,兩度.....(太好......我咁岩就係新界)@@@
亞雪生日快樂@@
|
| 刊登時間︰2005-12-06 12:37 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 12 月 4 日 星期日 |
| |
..........  |
|
今日番早,又約左小玲食早餐,仲見到m廠個正手,番工果度都冇咩特別,不過今日小玲讚我,我竟然周身唔自然,我係咪犯賤????9點先走人~
番到上水又約細飛,係天橋見到Raymond(NT),原來佢依家係廣場做丫,等我等閒就去探下佢先,呵呵~去到新世界先知收左工,shit~之後我地去左"伯加加奴"食野,個女仔都幾好人,今日先知原來佢地都要跑數,食完我就陪佢去花果山買糖水,好唔捨得你亞so,雖然18號又見到,但係個感覺都唔同d,我地又兜路..........?!
夜晚迎新果個女仔打俾我,佢聽日先上M1&M2,同佢都傾左一陣~
ps.今日開始放孖day仔,又話今日會好凍???@@@@
E個係一個真實既故事... 發生o係香港一個小角落..
當你睇既時候 ~ 不坊 click 入黎聽住首歌睇丫..
從前 , 有一個男仔 , 佢唔相信愛情 , 因為佢俾女朋友傷害過好多次 .. ~
佢唔相信幸福
亦唔相信佢自己會得到幸福
但係
冇幾耐前 , 佢識到一個女仔
個女仔對佢好好 , 佢亦對個女仔有感覺
好順利 , 佢地一齊左
不過 , e 個男仔仍然係唔相信幸福 e 回事
佢冇好好咁對個女仔
因為佢知幸福終有一日會離開佢
佢一次又一次咁傷害個女仔
女仔好傷心 , 佢對 e 個男仔好失望
男仔第一次見到女仔既眼淚
e 一刻 , 男仔用手禁住自己心口
因為..佢感到心痛
佢亦開始感到幸福既存在
但係.... (續)
|
|
男孩和女孩過了一段幸福開心既日子
正當男孩覺得上天終於憐憫佢既時候．．
幸福 ~ 開始隨時間而消失
女孩開始不願意接男孩的電話
亦唔願意同男孩去街..
以往男孩與女孩在電話甜言蜜語的時間
現在只淨男孩一個對著電話發呆
以往男孩等待女孩放學的地方
現在只淨男孩一個傻傻的等著早已走了的女孩
以往男孩與女孩一起談天的 m 記
現在只淨男孩一個吃著那個早已涼了的漢堡
男孩不禁開始想
女孩已有了另一個嗎 ?
她已愛上了別人嗎 ?
而男孩..亦開始放棄繼續等待女孩
有一天... ~
男孩在深夜接到一個電話.... (續 ) |
男孩開始著急了
一次 , 兩次 , 三次 , 電話另一邊傳來的只有那動人的留言
男孩總是不肯死心
他問了女孩身邊的朋友 , 她們也不知女孩去了那裡
男孩去了女孩家坐著...
一天 , 兩天 , 三天 , 看見的只有那路過的途人
下雨了... 男孩仍不肯死心
總是坐著樓下那冰冷的樓梯
男孩開始擔心了
他開始四出尋找女孩的綜影
他去了平時他們會去的地方
可是 , 看到的只有一段又一段別人的幸福
一個月了
男孩仍未找到女孩
男孩仍然不肯死心...
一天 , 他接到一個他一輩子不想接到的電話..... ( 續...下回大結局 )
電話傳黎一陣喊聲
這是女孩的媽打來
" 你可以來伊利沙伯醫院嗎 ? ... 我女好想見你 , 佢就黎唔得 "
男孩不明白為何女孩會身在醫院
去醫院的路程上 , 聽著伯母的解釋
原來...女孩在 3 月一次學生身體檢查被驗出血癌末期...
男孩終於明白 ,為何女孩會不肯見他 , 不肯聽他電話
無比的內疚 , 無比的心痛
令男孩流出淚....
去到醫院 , 伯母和其他親戚在房外
" 你入去陪她走最後一段路吧 "
入到房 , 男孩看見一個面色蒼白 , 骨瘦如柴的女孩
男孩強忍著淚水, 掛起平時的笑容
" 好久不見了" 男孩說著
" 對不起呢...扼了你.. " (女)
"不要緊.... 我會在這裡陪著你... "(男)
"哈...你真傻... 好掛住你呀...." (女)
" 我都係....你好返....我要....我要你陪我去海洋公園玩你唔敢玩既過山車 " (男)
" 哈...我要你陪我食雪糕..." (女)
"好呀 ... 你唔淮食完雪糕又食朱古力 ga ....唔係變左大肥豬我唔會要你... " (男)
講完...傳黎一陣女孩痛苦的飲泣聲...
男孩盡是心痛... 但他知道他要給女孩最後的幸福
" 我現在很樣衰嗎 ? 對不起呢... " ( 女)
" 你幾時都係咁靚的... 永遠都係... " (男)
男孩輕掃著女孩那冰冷的額頭
" 對不起...我守不了承諾...不能再和你去公園 , 不能再去睇你比賽 , 不能再和你去食雪糕... 不能再煮意粉俾你食.... 真的對不起呢.."
此刻 , 男孩的淚水再也忍不了...
" 不要緊.... 我會等你到我夢入面同我一齊再去食雪糕...再去公園玩 .. 再煮意粉俾我食....." (男 )
" 你有冇扼我 ga .....真係可以 ? ' (女)
" 係呀...我地勾手指尾丫 ... ' " (男)
"好呀.... " (女)
他們的手再次緊握起來... 男孩知道今次是最後一次拖著女孩的手...他今次握得特別緊....
" 我好辛苦好想訓呀...不如你講故仔我聽丫..." (女)
男孩明白 .... 他知道女孩要離開他了 ...他願意為她做最後一件事
" 好呀.... 你捉住我隻手 ............. 我慢慢講你聽丫......... "
女孩再說不出話來 , 只是微笑了一下
"好耐好耐之前....有一個地方....住左一個好靚好靚既公主...........'
女孩笑著慢慢閉上眼....
"..............從今..王子就同公主過住好幸福快樂既生活... "
不知講到幾時... 女孩的手已鬆了... 心跳已停了....
可是她臉上仍掛萫那可愛動人的笑容
"再見了... 傻豬 ....我愛你 ...."
吻了最後一啖女孩的臉兒..
"多謝你.." 男孩彷彿聽到女孩這樣說
就這樣 ...女孩離開男孩了...
.
.
.
就係咁...男孩既故事到此
無錯 , 男孩就係我 , e 一刻眼淚靜靜咁流落我塊面
大家可能覺得 e 個只係一個o係網上 copy 返黎既故事
或者係一套冇乜人睇既戲抄返黎既橋段
但係 , 我可以再一次話俾大家知 , e 個係發生o係 2003年 , 香港一個角落既真實故事
無論係真興否 ,並唔重要 ~ 我 只係想大家知道 , 幸福唔係必然 , 唔好俾佢走先至後悔
當你認為佢永遠會o係度時 ,可能佢會o係你不為意既時侯一點一滴咁溜走
記住 , 幸福係要爭取 , 係要把握
我既故事就到此為止
希望 , 大家終會有一段屬於自己既幸福故事
..
The End .. |
(copy自Glico日記) |
| 刊登時間︰2005-12-05 01:57 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 12 月 3 日 星期六 |
| |
~~  |
今日番whole day,約左Kinki(GPF)食早餐,又係大家樂,依家好似食厭左喇,之前我仲好鬼鐘意食,依家食黎食去又係果d,um~原來佢地琴晚盤點到2點幾,早知我都幫下手啦!!!!
全日都冇咩特別,但係一人多我就好似拿手唔成世咁,我諗我都要改下先得,Joey(GPF)同我唱反調,不過算啦,不過原來有D人真係明知果對唔舒服都仲要買,之後check鞋先知原來我地有佢碼嫁,不過算啦!!!!今日有個男人問我有咩boot個桐位有38cm,我鬼叉知咩,都唔知係咪想偷野????同黨???第2次佢黎,我一叫Kinki(GPF)佢就即走,想點????11點幾收工,番到上水就好直接咁番屋企,冇約人.....冇買野食嫁!!!!Daisy(客)過黎又買野俾我地食,佢真係好好人丫!!!!
ps.今日條鏈跌左落地我竟然好想喊,做咩事????我又發咩癲???@@@
亞芝(YMCA)&Howand(NT)生日快樂@@@ |
| 刊登時間︰2005-12-04 01:20 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 12 月 2 日 星期五 |
| |
| 唱k |
今日放假丫,好似好耐冇打過日記,但係因為呢牌病,再加上日日都好唔得閒,大家原諒我啦,我諗我一得閒我就會再寫番,不過都唔知記唔記得番,kakaaa~
12月又係聖誕月,呢一個月年年都係好鬼凍&好開心,咁又一年喇,但係點解呢年又唔凍既???係街度都仲見到d人著短袖衫......想點???可唔可以凍d丫???我想要d冬天既氣氛!!!!!天文台話星期日會降至14度....持續1星期????
1點起身,上左陣綱,睇左"棋靈王",download左咁耐終於都有時間睇喇,3點幾先出門口,約左Mina 4點丫,但係4點半先到,我地好唔夾丫d衣著,許留山係前面......好遠丫!!!!之後我地去左影貼紙相.....好朱古力丫!!!!NINA???香港人真係咁大壓力???點解次次都見到d人玩打沙包????我始終都唔可以擺係最面!!!!!跟住行朗豪坊,度度都有sale丫,好可惜咩都冇買,都唔知係我陪Mina買野丫,定係Mina陪我買野????佢個紙袋好阻訂,掃曬人地d野!!!人地話就話唔緊要姐,但係可能人地內心就話你"仆街xyz@#%!!!",kakaaa~然後我地就去左唱k,好多野食丫,食死人,有10年冇唱過喇,係咁唱係咁唱,咁又9點9,點解可以咁準時??????唱完就行潮流特區,沿途見到d野食,覺得好滯!!!!11點幾就搭火車,咁又一日喇!!!!
ps.我要珍惜時間先得,依家24小時真係好唔夠我使@@ |
| 刊登時間︰2005-12-03 01:20 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 12 月 1 日 星期四 |
| |
| 12月1日 |
今日番晏,但係要一早去HCF飛鞋,之前去左SA搵Doris,點知佢唔係度,跟住去左HA,見到Daisy(HA),佢向我"辛""數"嫁,但係因為忙忙地,咁我就走左lu,你一等閒就搵我喇!!!!
番工都冇咩特別,講完~
亞雪調左去APM喇,以後都要自己一個搭車lu~
ps.聖誕月喇@@@ |
| 刊登時間︰2005-12-06 01:13 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 11 月 30 日 星期三 |
| |
| 季獎丫 |
今日放半day,番5點半,但係番工前要去WPF飛鞋,諗住搵Stella(NT),點知佢今日冇番,um~
10點幾收工,之前見到有個30磅既bb,好得意丫,我地個個都同佢玩,不過佢真係好鬼重~我地4個為左拎季獎,個個都買左對boot,我因為岩岩黎,所以佢地只係叫我買一對,唉~一出糧就咁!!!仲要行到地鐵站先有得"手禁",今個月d老細咁鬼準時???搞到11點幾先走得,同Joey(GPF)搭火車,番到上水又約左細飛,好鬼肚餓.......咁就同佢去左食宵夜檔,個"靚女"真係好鬼識做生意,今次我地竟然食得曬~
ps.咁又一個月喇@@@ |
| 刊登時間︰2005-12-06 01:05 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 11 月 29 日 星期二 |
| |
| 今日.........唔記得 |
今日番早,又拍小玲,之後唔記得lu~kakaaa~
ps.Raymond(NT)生日快樂@@@@ |
| 刊登時間︰2005-12-06 12:41 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 11 月 28 日 星期一 |
| |
| M1&M2 |
今日番M1&M2丫,原本上個星期上嫁,但係因為小玲唔知,所以今日先上,9點10先上堂,9點8我就到喇,我真係幾準時既,呵呵~
一去到就見到d人唔同曬,又要識過d人.........好唔開心丫,但係今次d人都ok,上上下仲見到次果個女仔添,太好喇,食野我地12個都一齊食,上到5點幾我就上完lu,之後去左葵芳飛鞋去HCF,都唔明點解要我???過份丫!!!!經過SA見到Doris,但係冇叫佢,因為佢好似好忙咁,番到上水又約細飛,去左仙"中"林,今日老細放假丫,冇得玩~食完我地就周圍行左一陣就番屋企lu~
ps.冇去Rayｍand(NT)個b-day k,sor~因為今日太早起身,唔想去一去就走嘛~ |
| 刊登時間︰2005-12-05 11:15 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 11 月 26 日 星期六 |
| |
| 都好既~ |
今日番12點10,我同小玲都遲左,佢又肚痛喇!!!可唔可以唔好食咁多野!!!幫佢買緊早餐,大家樂d人都認得我喇,話曬我日日都幫襯佢~
全日都幾忙下,我依家可以算自己一個跟曬成個客既,叻左嫁!!!雖然忙.......但係都唔係好多錢,可能個個都係買一對鞋啦~6點幾先食飯,肚餓嫁!!!!10點同小玲執倉,搞到11點到,但係都係擠唔曬!!!好心貨廠d人睇下我地個倉先俾野我地啦!!!!
番到上水又同細飛食花果山,我地差唔多時間姐,之後我仲可以食7仔d點心,我真係發癲嫁,如果再咁落去,我一定肥死!!!!其間我地見到隻2個幾月既8哥,好得意丫,佢又好跟人,係中心個公園我地係咁大聲笑,我諗果班人可能見到你岩岩d動作,kakaaa~
ps.好想睇"如果愛",隻碟好好聽丫,張學友唱歌真係好好聽@@@
如果．愛 ~ 張學友*
[電影<如果．愛>主題曲]
作曲：金培達
作詞：姚謙
編曲/製作：金培達
主唱：張學友
每個人 都想明白 誰是自己生命不該錯過的真愛
特別在午夜醒來 更是會感慨
心痛埋怨 還有不能釋懷 都是因為你觸碰了愛。
如果這就是愛 在轉身就該勇敢留下來
就算受傷 就算流淚 都是生命裡溫柔灌溉
愛 在回憶裡總是那麼明白
困惑的心 流過的淚 還有數不盡黑夜等待
如果這就是愛
如果你 當時明白 後來的生命裡是快樂還是悲哀
特別在夜深人靜時想起未來 是否能平靜不會像現在
只是因為你擁有了愛
如果這就是愛，在轉身就該勇敢留下來
就算受傷 就算流淚 都是生命裡溫柔灌溉
愛 在回憶裡總是那麼明白
困惑的心 流過的淚 還有數不盡黑夜等待
如果這就是愛 |
| 刊登時間︰2005-11-27 02:45 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 11 月 25 日 星期五 |
| |
傷風  |
今日終於都放假喇,等左9日lu~
11點幾就起左身,hea到3點就去搵細飛,見到bb喇,好得意丫!!!!原來做人媽咪真係好偉大嫁~4點我地先去食野,去左雙魚亭食,都ok~之後就周圍行下,搞到我都想買番d書睇添~聖誕咭呢d野.......我都好耐冇送lu,今年.......~
6點番到屋企,食完飯頂唔順就去左訓,8點起身睇"胭脂水粉"大結局,點解我唔係咁明講咩既???係咁問爸b,佢會唔會覺得我煩???跟住睇亞旺,係咁訓~9點幾就打番去,點解我又要同小玲一齊番???
ps.我又傷風喇,都話忽冷忽熱我就會病嫁啦@@ |
| 刊登時間︰2005-11-26 12:09 AM [ 訪客留言(0) ] [ 編輯日誌 ] [ 分享至FACEBOOK ] |
| « | 19 | 20 | 21 | 22 | 23 | 24 | 25 | 26 | 27 | 28 | ... | 48 | » | |
hihiyee 
大名: "＋+．．樂Ｇo∼＊ 