| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
由於BB狗插件的供應商已終止此項服務，由即日起此插件將停止運作，請用戶將其從日誌版面中移除。
不便之處，敬請原諒。
|
| 2005 年 7 月 30 日 星期六 |
 | |
um~  |
今日10點起身,呵呵~不過都好眼瞓,救命!!!係屋企狂做家務,我真係好乖喔!!!
ps.我要諗下先........今日講完,一日短過一日@@
|
| 刊登時間︰2005-07-31 12:56 AM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 7 月 29 日 星期五 |
 | |
| GD |
今日又8點起身,好眼瞓丫~超唔想起嫁!!!!又係出左好多汗水~不過感覺都ok!!!!
日記好似打得簡短左......算~
ps.越黎越鍾意屋企@@@@ |
| 刊登時間︰2005-07-30 12:30 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 7 月 28 日 星期四 |
| |
| 辛勞既汗水~ |
今日8點半就起左身,kakaaa~因為要整野....好忙丫!!!!一整就整到5點,我好癲喔~
食飯&睇電視,咁就一日lu~
Quin~咩你d fd咁嫁??去幾多次廁所都講???
ps.今日雖然過得好簡單,但係好充實,辛苦既汗水係值得既~呵呵!!!!依家會少上網嫁喇@@@@ |
| 刊登時間︰2005-07-29 12:10 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 7 月 27 日 星期三 |
| |
保佑我  |
起身上左陣網,之後就整下野就一日lu~
今日Stephy叫我同佢玩cam仔,哈哈唔鍾意同你玩丫......!!!
ps.聽日要努力@@@ |
| 刊登時間︰2005-07-28 12:16 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 7 月 26 日 星期二 |
| |
| "missssssss"死你 |
今日12點就起左身,上左一陣網就做下家務lu~
有年幾冇拖過地喇,哈哈....做和民咁耐就懶左咁耐,全屋都係我拖得最乾淨.......快d讚我!!!!好開心丫,成身大汗再沖涼,好耐都未試過lu~
今日亞哥第一日番工,佢好似好辛苦咁,俾心機啦......要做一舊有用既垃圾!!!!唔好再俾d仆街有錢親戚睇少!!!!以後有人同我一齊出糧俾屋企人喇,唔使我再咁辛苦~
夜晚同Stephy msn,哈哈,終於見到佢喇,但係佢用網路玩....廢~快d裝番番野啦,kakaaa,其間有人扮Stephy丫!!!佢蠢好多嫁!!!好心唔得閒就off啦~
ps.3年前有一個有錢人話供我同亞哥讀書,因為知爸b退休,佢仲口口聲聱同我開一個聯名戶口,但係我拒絕左,最後佢冇俾過一分一毫我地,當嫲嫲死左,爸b冇錢攪身後事,有錢人有時會被面色我爸b睇,話自己亞媽死左都靠人,自此我就憎恨佢,使唔使咁話人丫???見住爸b被人話果陣,真係好想打巴佢,爸b冇左嫲嫲丫!!!!佢有幾傷心唔通有錢人唔知嫁咩??做人唔使做得咁絕!!!!上年亞哥讀書冇錢,全家同佢一齊搵錢番黎,爸b都低聲下氣問有錢人,有錢人就話佢唔會借俾我地,好仆街丫!!!我地又唔係唔還,上年我地任家都好窮,眼見爸b媽咪周圍問人借錢,覺得好心痛,但係自己又唔爭氣,最仆街係亞哥就黎讀完就唔讀,咁我地之前為咩呢???不過最仆街就俾有錢人有借口話我地,由果日開始我同爸b媽咪講,以後唔好再搵佢,我亦都同自己講,我憎恨有錢人,同時我要令屋企人過得開心,只要充夠我地用就得嫁喇,富有我唔奢望@@@@ |
| 刊登時間︰2005-07-27 02:09 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 7 月 25 日 星期一 |
| |
車  |
今日原本約亞聰一朝早9點嫁,但係自己今日6點先瞓得著,咖啡真係勁!!!!我已經聽住歌嫁喇,但係都唔得,漂曬眼水,但係瞓唔到,睇住個天光嫁我!!!!瞓左一陣8點半,鬧鐘未響我就醒左,之後send message俾亞聽話我唔去,太迷喇!!!
點幾起身,on左陣line就出左葵芳lu,咁不如我今朝同亞聰一齊出???同一個地方,填完就走lu~哈哈.....覺得自己好叻,第一次自己係城隧轉車,我越黎越鍾意搭巴士喇!!!!
番到屋企食食下飯,有人打黎搵仆街哥,哈哈~佢終於搵到一份工喇!!!!算呢舊垃圾有d用啦!!!
ps.岩岩搵到個好得意既網,聽日我就update下我d mv,今日我都update左幾首歌嫁,點解搵唔到"損友"既???
夢想~兩年後生活無休.....可以同屋企人遊車河@@@ |
| 刊登時間︰2005-07-26 01:08 AM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 7 月 24 日 星期日 |
| |
| 煩~ |
今日一如以往點幾先起身,起身就睇碟~
睇到6點就出去太和等亞聰,係萬寧同金英吹左陣水,等左亞聰10年,又話著左鞋.......但係都可以咁耐!!!!成個女人咁~見到佢先發覺我被佢呃左,上水搭去元朗我係平&快過係太和去嫁!!!!死8公....我仲窮過你!!!!可唔可以就下我~點解要兜小路??好似成日都係同一個地方咁!!!之後佢問我有冇睇曼聯,但係我就一路講皇馬,講到個場地濕先知道自己講錯野,我鬼知咩.....我諗我傻左!!!不過佢都唔好得過我好多,自己明明一路講運動家,但係突然間又講馬拉松,仲要我講俾佢聽佢先知!!!渣~聽完佢講一倫野攪到我想落車!!!
到左元朗,搵間p字頭既野,點解咁叉多人一齊見???頂~打定輸數!!!!
之後食野,30蚊好抵,有一兜麵,餸&一杯野飲!!!睇左d港男,d人話亞洲先生亞軍靚仔d,我都覺~食完先知我地食2人餐抵d,跟住陪條戊利打機!!!然後食b仔,雖然好飽,但係我真係好想食....吹丫??食之前拎錢先,點解我地會排錯隊??食完b仔我地就各自搭車番屋企lu,哈哈~你要陪我入8達通先,唔走得!!!呵呵~抵....眼見64k都冇得搭!!!!
ps.依家1點27分,未洗白白.....因為廁所有曱甴!!!!!!
我覺得我自己交朋友冇咩問題.......依家知己多的是!!!!!希望你同我一樣啦~我地會同你一齊打爛呢幅牆嫁@@@ |
| 刊登時間︰2005-07-25 01:31 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 7 月 23 日 星期六 |
| |
| what will i do |
今日點幾先起身,依家晚晚3.4點捨得瞓,仲要聽住歌先瞓到,哈哈~但係身2日又成點先肯醒,我究竟幾時先變豬???
之後起身就睇電車男,裡面有個型仔用符號整d畫都幾靚,hea~我好似迷上左睇呢套野!!!見冇咩野做就睇埋"good lucky",kakaaa.....木村真係好型~n年前既戲,依家睇會唔會太遲???睇睇下有個電話打黎,有咩可能嫁???跟住同靜儀玩msn,d公仔好得意丫.thx~
夜晚睇殘酷一叮,果條友扮譚詠倫好鬼似丫,點解呢期個個都扮佢???唔通佢易扮d??之後就睇皇馬,好似睇垃圾,冇預期咁好睇,施丹冇得表現丫!!!!聽聞講佢就退休~又冇左個lu!!!睇完同柔柔狂icq,哈哈~我地搵到喇!!!!
琴晚睇完Glico個日記,我真係覺得佢係傻嫁!!!
ps.唔知點解今日好lucky@@@@ |
| 刊登時間︰2005-07-24 02:28 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 7 月 22 日 星期五 |
| |
| UM |
今日2點幾約左亞娟陪我見工,哈哈.......同佢一齊都唔知有冇見過工嫁,同佢係咁行行行,又陪下佢食下m記,我地排錯隊丫,佐係冇人同我地講過播~見到好多識既人,不過剩係同珍妮斯講一.兩句,點解杯野咁淺色既???點解星期5都咁叉多人??仲以為今日星期6添!!!!其間仲撞到亞Cat(65),佢唔唉我我都見唔到佢,之後就去左仙"中"林,食煙位爆曬lu,點解我地企左咁耐都冇人理我地???到我地走果時先理我地,老細唔係度真係服務差d!!!!跟住諗住去仙跡岩,點知冇左,哈哈~執左我都唔知!!!!我係咪住上水嫁???最後去番仙"中"林,kakaaa,有位lu......唔使等!!!!同亞娟勁吹水,爆笑丫!!秧死我喇!!!!走果時老細先番黎,諗住同佢講byebye,點知佢傾緊電話.......算~
之後亞娟佢就睇佢媽咪,咁我就番屋企lu,我都想探嫁!!!!但係亞娟唔俾,嘻~
琴日個日記唔知仲咩開唔到,攪到好唔憤,依家都"神神地"嫁,左邊隔左一行&冇曬d士啤多梨!!!!!唔開心,link左好多人既相簿,唔知link黎仲咩嫁,不過屎忽痕囉!!!!
ps.點解65人個個睇完都唔留番言俾我???快d番啦!!!!我同金英鬥緊嫁!!!!!
旅行丫~~~~~~~~~~~@@@@ |
| 刊登時間︰2005-07-23 02:09 AM [ 訪客留言(3) ] [ 編輯日誌 ] [ 分享至FACEBOOK ] |
| 2005 年 7 月 21 日 星期四 |
| |
| 火都黎撚埋 |
今日2點幾Sara陪我去旺角見工,一去到就搵亞雪先,哈哈~好黑仔丫,撞岩佢食飯喔!!!!之後就同佢一齊食,佢問Sara想食咩,Sara就話想食吉野家,跟住亞雪就答"吉野家唔可以係裡面食",kakaaa~我笑左兇黎,因為唔知佢講咩,佢既解釋係話唔可以係foodcost裡面食,下???跟住我地就去左花園食,你去過去食未嫁???唔記得入口???坐得"簡"野食,又話我跟你慳d啦........我講先嫁!!!係你跟我!!!!之後亞雪又彈左一句"我個fd入左it做,佢辭左,second",之後佢繼續講佢個fd仲係it做緊,咪住!!!!!咁你岩岩講咩???佢既解釋就係,佢個fd果時做佢果間係second黎喎~之後我就話佢組織句子有問題!!!!!Sara都覺得嫁,但係亞雪話冇咩唔岩!!!!!救命~
食完野我就去見工喇~去左bread n butter度見,因為佢今日招聘日丫,之後佢仆街就問我好多野先俾張from我,仲話我既經驗只可以做part time,OK~咁我填from果時咪寫part time囉,之後等佢in我,佢條仆街就同我講佢今日由於時間關係,所以唔in part time,如果之後我地需要請part time先通知番你啦!!!!屌你老母丫!!!!!!!咁一早就咪撚叫我等你啦........仆街~你話我有冇改錯你個名丫???屌你丫......你地知唔知我果時幾撚嬲,好似俾人玩咁!!!!果間野叫"bread n butter" ,我講過,我唔會去果間野度.....係一定唔會!!!我要唱撚衰你地!!!!好火丫!!!!
之後就番屋企喇!!!!!!!點知整整下日記就hand埋,開唔番~好黑仔........連日記都蝦我!!!!!
ps.死豬西.......請大家幫我宣揚出去@@@ |
| 刊登時間︰2005-07-23 02:46 AM [ 訪客留言(0) ] [ 編輯日誌 ] [ 分享至FACEBOOK ] |
| « | 31 | 32 | 33 | 34 | 35 | 36 | 37 | 38 | 39 | 40 | ... | 48 | » | |
hihiyee 
大名: "＋+．．樂Ｇo∼＊ 