含劇透，慎入
為免未看的人遭到劇透，一切劇情討論請以「俏俏話留言」、「私人訊息」或「其他私下方式聯絡」，多謝合作！
相比起第一集，今集唔再只係局限係一間屋入面，規模大左，大場面亦都多左，好多槍戰場面，亦有唔少打架場面。
劇情方面，就安排左兩pair互不相識嘅人，再加一個陌生男人，總共五個人，為左生存而被迫係「國定殺戮日」個陣係街度流連。
為左生存，哩套戲爾虞我詐嘅情節又少不免，中間一段主角們以為搵到安全地方，點知原來又係另一個殺機。
而陌生男人點解係殺戮日要出街殺人，但又忍唔住救D陌生人? 答案其實唔難估，諗得簡單D就得。
至於哩套戲其實都有D意思，話說「國定殺戮日」表面好似係為左降低犯罪率而設，但隱含住一種「意圖消滅窮人」嘅意義
一班有錢人困住D窮人，然後又有D有錢人當佢地獵物咁殺，完全忍含住一種「有錢人要玩殘窮人」嘅意思，實在係人性醜惡極致化。
不過亦都有一班正義之師為左反抗哩班有錢人同埋哩個荒謬嘅制度，而救左幾位主角，殺返班有錢人轉頭，相信大部份自認窮人嘅「我地」都會大快人心
套戲總體黎講其實都算有D意思，起碼反映人類自相殘殺原來可以去到咁醜惡。
後記：睇得太多戲，加上有少少「做哩行厭個行」嘅麻木感覺，令到我好耐無打影評，忽發奇想，其實唔洗一定要話幫套戲評幾多分，有時唔想太硬性規定幫套戲評分，但又有D感想，於是我就開多一個分類叫「求其幾句感想」(其實未必真係得幾句)，請勿見怪
|
