《足球小小將》唔會係一套好好笑�H卡通，但係足球卡通黎講又唔失禮，唔會好似經典�H《足球小將》咁個個主角都有絕招，亦都無真人版經典《少林足球》咁踢波好似打仗咁，算係有自己風格。
同好多卡通一樣，佢都有誇張之處，就係「足球機」，例如主角可以玩足球機玩到出神入化，不過網上搵完呢段片之後，我就覺得自己係井底之蛙，原來以為卡通將「足球機」誇張化，其實一D都無。
https://www.youtube.com/watch?v=BSCKOMfmZsg
當然，套戲依然有佢誇張�H地方，例如間酒吧話拆就拆，足球機D公仔識講野識郁，但得主角先見到等等。
不過睇卡通就係要有d童真，誇張野係可預期的。
至於戲中笑位，中文字幕同粵語配音完全唔同，呢個無疑睇到人幾辛苦，唔知跟字幕定配音好？
就配音而言，D笑位都真係要睇波�H人先明，本人自問睇開波，所以都覺得啲 gag還可以！
至於結局亦出奇地無「業餘隊贏巴塞」，但係點樣收科，我就賣個關子。
我只可以講結局其實係想講「勝利唔係一切，身邊人先係最重要」，老土但有教育意義，都係個句：「卡通嘛！」
|
