《五個小孩的校長》
以下內容唔算影評，所以睇唔睇悉隨尊便
催淚係因為畀小朋友�H真誠感動，另一個催淚位係，你好努力咁做一件事，但一直都無成果，你會覺得好可惜而流淚，即使最後成功左又會喜極而泣。
簡單黎講，睇呢套喊係好正常。
雖然劇情唔會有咩特別驚喜，但背後帶出意義就好大。特別係香港呢個教育制度畸形�H社會。
我成日都講依家D人讀書係為左投資，甚至可以視為賭博，因為大家讀書係為左學歷，學歷高又係為左工作，工作又係為左錢，所以我從來唔覺得進修就係上進，成件事一D都唔清高，講到尾都係為左錢，唔係再同我講進修就係上進咁偉大。
而讀書為左錢呢個概念，近十幾年慢慢植入到教育最基層�H幼稚園，甚麼贏在起跑線？講到尾都係D怪獸家長想D小朋友第日搵多D錢。
於是乎甚至有人利用「贏在起跑線」呢個概念去賺錢，睇返戲中�H森美便可見一斑。
總之成個香港教育都圍繞住「錢」，家長、學校、教育處&政府，但有無諗過讀果個人�H感受？我唔排除中學生，大學生，甚至小學生會愈黎愈勢利，但依家講緊幼稚園，都仲以「錢」行頭？錢需要好重要，但應用到幼稚園就完全剝奪左小朋友應有�H天真，希望呢套戲可以畀香港教育一個當頭棒喝。
|
