向來我都對一D人話「咩戲一定要睇」聽完就算，好似周星馳D戲咁，好多人都話一定要睇，其實我唔覺，不過我同樣地對個D未睇周星馳戲就話佢D戲「無聊，唔知做乜」一笑置之，我應該算係對於周星馳電影比較中立�H人。
而呢套《唐伯虎點秋香》�H劇情都係圍繞住唐伯虎點樣入華府追秋香，無乜特別，但係呢套戲創意就係哂D搞笑情節入面，好多幕都係一睇就覺得好好笑得黎又好深刻，例如周星馳同人妖打架個一幕，之後仲要黎一幕陳百祥跳落水話：「人妖，我啱啊！」已經夠好笑，點知吳鎮宇仲要加多句：「真唔抵呀，畀佢搶先一步！」，呢句就完全有畫龍點睛�H效果。成套戲好笑�H情節真係太多，例如周星馳每個妻妾都好爛賭、周星馳同梁榮忠鬥慘、周星馳數白欖、陳百祥被罰困係柴房任由苑瓊丹處置、谷德昭對對對到噴血、還原靚靚拳、鄭佩佩同周星馳介紹毒藥等等。
論劇情呢套普普通通，情節仲好誇張，不過亦都因為誇張得黎夠好笑，一套喜劇黎講，完全超班兼收貨。
|
