估唔到我地一百日都係去番沙田...
沙田都算係我地2個既老地方啦....
好似好多重要日子都去左個到....

我地約左係沙田火車站等...一見到你 你好似好冇心機咁..
我都估到你有野想同我講架啦....
之後我地行行下單車徑就坐左係到...
跟住傾傾下 你就無啦啦喊左出黎...
其實你喊出黎都好既....好過你收收埋埋....你喊緊個陣 我真係有點不知所措..
當我睇到你一路喊一喊咁打sms比我睇個陣...我有眼濕濕架...不過冇喊出黎...同埋唔比你睇到...
如果我都喊埋...咁未2個傻既人一齊係到喊....冇人氹番你囉...
放心啦....我明架...我知你唔想見到我冇心機...唔想見到我唔開心....
我都係一樣架...每次知你喊 或者見到你喊 我都會唔開心...
因為我真係好愛你...唔想自己所愛既人成日為左自己喊....
你大個架啦....仲成個大喊包咁^^
但係以後有我呢個二十四孝老公係到 你喊個陣我都會係到陪住你架...幫你拭你既眼淚....
你記住唔好再怕我會同你分手啦....唔好有呢樣野發生架^^一生一世ma!!