今日去左接老婆放工~~
自從上次一別 我既心情其實都不太好~
只係我唔想你因為我番工又喊 放工又喊
因為我想自己愛既人開開心心 可惜今日我都係做唔到~

今日你話比我聽 佢sd sms比你 佢又約你出街~
雖然你拒絕佢出街~ 但係....
你記得我地一齊之前係點樣嗎? 初時我地msn 之後我地sms 最後我地一班朋友出街
之後我承諾你 我地就一齊左啦~~
講真~我唔想佢係我同你出街既時候sd信息黎阻止我地 我覺得再過多唔知幾耐 你始終會同佢出街~
仲有一件事我諗你係唔知

由上次出街起 我晚晚都會入你一次fb睇你地既野
我覺得咁樣好冇品 但係我既好奇心令我真係好想睇下你地會講咩 如果你唔想再比我入既話 你轉password 我唔介意~
我每晚都過左3點先訓 你知唔知點解呀
因為我怕我會訓唔著 我寧可唔訓 等到全家人個個訓晒
最後聽住歌我就訓得著~
我番學既時候會諗 你究竟做緊咩野呢 我陪唔到你既時間 換左人陪你嗎?
呢幾日我面對你都唔知講咩野好 所以我選擇去溫書 打機 睇劇....
我個日睇飛行個陣 入面話愛一個人就要接受佢既好與壞 我覺得好岩架!
但係我又做到嗎? 呷醋?倒不如話我怕你終有一日會覺得一個成日陪唔到你既人做唔到你老公~

好多謝你今日不停咁引我笑 但係我成日諗你地 根本就冇心情笑出來 你教下我應該點樣做先可以變番我地以前咁~~
大家都咁開心 繼續為對方付出 愛著對方~~