話咁快就18個月啦^^
距離我地結婚既日子又近左lu~~~

今日出左去接老婆仔放工食飯~~
呢個老婆仔 我今日認真咁望住佢~~發現佢同年半前個樣都係差唔多
仲有個樣都係咁傻^^ 不過真係成熟左d@@依家仲識嗲下老公呀~~

有時見到你傻下傻下個樣就覺得好好笑啦^^
我都好多謝你呀!!!多謝你比左咁多野我^^
我會對你更加好架~~~不過可能陪你既時間會少左><
唯有係有得陪你既時間對你好d啦^^

我愛你呀!!!!老婆仔^^~~~

今日老婆早上要interview~~之後完左就黎搵我出街啦^^
我地首先去買飛啦~~~跟住就去食野~~食左m記 飽死左~~^^

之後就睇魔盜王啦~~跟住就行行下街~~~2個懶人就坐底左LU~~
我發覺我同你一齊出街拍拖拖個陣真係好開心架^^
攬下呀~~講下笑~~同老婆玩下都好開心~~~
好多謝你呀!!

夜晚我地就去左天悅到食日本野~~~
跟住就散下步~~談下心~~本來老婆要9點係MTR到走 點知比老公搞到搭四先走到^^
最後就送左老婆去MTR到~~
五百日就咁就過左啦~~~~不過我地仲有好多好多個500日^^
唔知下一個500日會點呢^^
我愛你呀一世都係呀^^

 

今日去左接老婆放工 初時已經冇咩事架啦 ~~
但係一聽到你話你全部同事都知道我呷醋~
好似全世界都覺得我好小氣咁~不過我都係少少介意姐
因為我知你唔講你會好辛苦~~

以前我同你一齊有咩野唔開心都唔會同我d fd講
係因為我怕佢地會話你咩咩 怕你難堪~~
不過算啦 你既性格係想有朋友分擔你既不安

我地排隊等車個陣 我不停係到諗 點解你同我一齊好似咁辛苦咁
雖然我知你不停咁氹緊我開心 不過我怕我個一刻開心 下一刻又會再同你嘈架
直到我話完比你知我唔開心既原因 個刻我真係好想攬住你黎喊.....
只係....我唔想係你面前喊 不過講完原因我真係舒服左好多.!

仲有呀!老公係好唔開心既時候可以攬到老婆^^仲有見到老婆為左老公而流既眼淚~~
老公好感動呀~~經過今次 我地既感情又進一步啦!!!

今日我早上去左學日文~~~
我學個陣係到諗第時會唔會有機會同你去日本
咁先用得著呢@@?

完左之後我就拿拿聲去搭地鐵搵老婆~~
點知老婆仲遲過我@@
不過算啦 見你鍚番同d糖糖既份上^^
之後我地就去尋找冷面食啦~~最後係搵唔到既 去左食m記~~

跟住我地又累啦wo~~所以去左公園坐同聽歌~~~呀~~~
唔記得左之前去左影重要既貼貼@@一年一次^^
今次d相都影得好可愛 哈哈

老婆唔好咁擔心工作上既野啦~~~老公唔想你成日都唔開心呀~~
有咩野事同老公講啦^^ 老公會同你分擔架!!!

今日放假可以休息下~~
本身可能會同老婆同埋佢d朋友去睇戲 但最後都冇出到去
得一個男仔好似好奇怪咁

原來琴日既野你依然記住 我承認初時我係冇起身
之後我見你個樣好似冇咩野心機咁 又好似好累咁 我又見冇人起身比位你坐未自己起身
我好似記得個陣我起完身一陣 先去影相 跟住d人就慢慢起身去影相

但係你就話我起身係為左影相 聽完我真係好唔開心
不過算啦 可能時間夾得太準瓜~~不過你信唔信都好啦 我唔係為左影相先至讓位!