今日9:45就起左身，對於平時星期日成10:30先起身既我，今日已經算早啦!!

朝早都係係度睇電視，到左就黎中午就落左街踢波。

我本來想去返衿日去果個球場踢，不過成個場都冇位，只好去返屋企樓下果個球場踢啦!!不過個場又冇龍門，而且同我細佬又冇咩挑戰性。所以冇幾耐就返屋企。

返左屋企，休息左一陣就出左街食野。食完野之後，又行左陣街。仲買左肥棋既生日禮物。之後就返左屋企。

返左屋企之後冇幾耐，我姑媽就黎左食飯，仲帶左好多野黎比我地。

今日都幾開心丫!!

下啁果陣時落左去街場踢波，我本來只係同我細佬一齊踢。不過之後有一班人黎左。佢地想踢波，但係個場冇哂位，而且佢地冇帶波，所以佢地就問我可唔可以同佢地一齊踢，我就話可以。

其實平時同我細佬踢波都唔係點練倒我佢技術，所以有班人黎同我踢，真係幾開心嫁!!

佢地踢得真係好勁。一個係重炮，而且D西都好勁。另一個就兩隻腳都可以射波。

今日真係練倒唔少啊!!

今日個書包真係好重啊!!上到課室先發現，原來我帶多左一本數學書。

跟往英文堂果陣時老師又話講唔倒書，搞到放左學之後要留堂，好在之係留6分鐘。

放左學之後又冇波打，所以好快就走。

係我走果陣，就見到蛋頭、丁丁同丁皓。我見佢地都好似要走，所以就跟住佢地。

但係......我覺得今日既佢地同平時有D唔同。係我跟住佢地既時候，蛋頭就話唔關你事。

之後我就返左屋企。

真係好想快D到星期三踢波啊!!

今日上完第一堂既世史之後，就去左上P.E堂。

當我地成班落到去更衣室門口等既時候，原來3C班係未到。最後搞得黎，已經係9:50。

跟往我地就做左掌上壓、坐地前伸同皮下脂肪測試，搞得黎，都落堂啦!!

最後我做掌上壓就做左61下同坐地前伸48。唔知大家點呢!?

放左學之後，我地就好似平時咁打波，不過今日就有D唔同，就係用個籃球同用手波黎打閃避球。

今日都係好似平日咁返學，不過放左學之後就有D唔同。

今日既足球組選拔，就係開始之前真超緊張啊!!不過又想快D開始。

到左開始既時候，原來唔洗選拔，只係好似平時咁練波，練D好簡單既野，個教練話由頭做起。

我地就只係練帶波同玩馬蹓搶球，都唔錯。

最後我地仲分組比賽，我地最後以八比二大勝。