"forever friends"呢首歌,你地有邊個好專心好好地咁聽過!?
我知,你地都好珍惜我地6年班發生過既事,
但係係你地1年班2年班...個時,有邊個會特登記住我地發生過既野?
你地係咪都已經唔記得左好多以前既野?E家想記起都好難,係嗎?

今日,係聖誕節既第一日既假期,我係到不停咁聽"forever friends",
雖然,我地冇經過一D入面所講既野,但係我都有一邊聽,一邊唱,一邊喊=]
唔知點解,過左琴日,就經常喊。可能,琴日已經係最後一次既聖誕PATTY,
都有可能係因為何SIR就走,但係最大既可能,就係我地都唔捨得6A呢個大家庭!

我地呢個網,係為左我地就快要分開以做搞既。我地班有38個人,
上過黎既人有幾多?經常黎既人又有幾多?口口聲聲話要一齊好好珍惜6年班既記憶,
你地自問,自己係咪真係有好認真係做到!?我自問,我自己都做得唔係好好,
但係對比起某D人,應該會更好吧!有D人係黎過,但係有持續嗎?
有D人知道呢個網,又有冇黎過?如果你地係想珍惜6年班呢一年既野,
就唔該你地做下野啦!黎黎去去都係個幾個人有上過黎寫BOLG,
有黎留言。

我唔知咁樣我算唔算太過自大,可能會有人因此而討厭我,憎我,
但係請你地三思。係我地分開前,少D"艾交",多D傾下心事啦!
我唔想呢個年度,都就快要離開,都搞到咁唔開心!

我同MAY姐,C姐佢地幾個諗過D野,係諗住用黎做俾蔡SIR,
多謝佢幾年黎既教導!我地諗住用一張紙,係上面畫上一大棵樹,
然後係上面寫低我地全對蔡SIR既感謝,但係只可是寫總結,
因為我驚唔夠位用,跟住再每個人都寫番個大名落去。
不過,可以既話,搵幾個人,再寫低D多謝蔡SIR既說話,
不過我想快D搞掂佢,因為遲D就要"籤"名係個張大合照到。
不過,你地可以將所有既同學既相上面"籤"名嗎?
但係咁小既野,你地都做唔到,咁我都冇辦法。
我要講既就係咁多,想鬧我既話,我唔CARE,
但係唔該留番係畢業之後先,因為我唔想係畢業前仲搞埋D咁既野。

{小洛}