而家都幾大雨下...個天黑媽媽~~搞到好似好夜咁~~

之前好搞野...pinky上左黎我屋企...無端端佢就同霞霞打仗..我就係戰場收集番隻貓.....跟著個個塊面都紅紅地..超攰呀~~走之前佢地兩個仲係度玩廁紙...都唔知俾咩反應佢地好...兩個傻仔~~哈哈~

我有時諗過~如果學校整個最不受歡迎老師選舉..龜婆一定大比數勝出呀~~

唉....而家隻貓..越黎越不知所謂啦~我整佢條尾..整左3次...第1,2次整錯左..將佢隻手當左係隻腳..搞到條尾鬼死咁高...笑爆~本身錯第一次都算..但係我拆完再錯第2次呀~~好傻仔....而家隻貓我都唔多理佢...我諗到咩就整俾佢~佢而家多左副眼鏡~琴琴話遲d俾佢拿返公司用..佢咁講仲好...我就點整都無所謂~~哈哈~我驚擺係屋企...俾人上黎見到就唔多好啦~

呢排發d夢...我覺得有點k怪....之前係英文堂夢見有人煮左好多蛋...跟著無端端爆炸...名乎其實炸"蛋"~仲有個就係同霞霞and琴琴行緊街...跟住琴琴就指住一間屋話:我地入去睇下囉~跟著我地3個都爬左入去~琴琴入到去仲話:呢間屋既主人taste都唔錯~呀may你去睇下有無人係度..跟著我見到有3母子既物體..我咪叫:走呀~~有人呀~  跟著我地就係咁跑跑跑...

唉...對於以上既夢...我都不禁覺得自己傻左~

尋日download左春田花花同學會原聱大碟...其中有度好搞野..佢話春田花花幼稚園係位於和宜合道...我係度諗唔係掛...咁出奇~

呢隻就係我隻貓啦~~哈哈~~我成日都覺得佢好k怪...唉~~失敗失敗..最新意念係想加兩條鬍鬚俾佢~