今日無乜野做....晏晝個陣抹左個櫃.....蛇仔明同琴姐買左新電話....我又要~~我要係新年儲錢自己買個.....yeah!!我好有大志架~

琴姐剪左個頭髮....好似傻婆~~哈哈!!個髮型師係度話琴姐曲頭髮好睇d...之後gel到佢成個傻婆咁....白痴架~~哈哈!!!叫佢揸住把刀出黎斬人.....

食飯個陣睇電視....名曲滿天星....本來都唔睇佢架...但係今集有at17同明哥...哇~~好正呀!!!明哥好型仔呀~~at17好勁....唱歌好好聽...和得好好聽呀~~何韻詩都係~~好有梅姐影子......

今日知左...原來草蜢既我們...和音係at17.....哇~~好聽~~

就黎新年啦~~仲有5日到啦~~個陣又可以返大陸啦...大陸好玩好多~~間屋又大...d梳化又舒服~~又多d人同我地玩....幾間屋周圍走~~我記得有一年係我屋企同成班堂大佬堂家姐係度玩"何仔公"...好好玩呀~~我仲傻仔度lie係梳化底...白痴架~~一落樓就見晒啦~~個陣仲玩到痴左線.....好掛住個陣呀~~成班人係度玩...我記得個陣有人lie係廁所個櫃度...我仲記得個個係霞霞黎架~搞到我最尾先搵到佢...難搵到呀!!!我仲試過lie入洗衣機.....仲要俾人拎出黎.....

以前我d家姐大佬好賤格架....係度借d咦話玩撲lie lie...之後我lie埋左就唔理我...自己係度睇電視...我仲傻仔度...係度話佢地咁蠢...咁都搵我唔到...其實諗諗下....最傻仔個個係我~

今年新年唔知好唔好玩呢~~不過無撲lie lie玩啦~~個個都咁大隻...lie唔到去邊~~年初一個陣我屋企天台可以睇到煙花架~~好多年都係咁...正呀~~又哥以去老豆廠個度放~正!!!其實我未試過自己放煙花架...細個又話我細唔俾放...大個又到政府話危險唔俾放...姐係恰我姐!!!!其實我真係好想自己放煙花架.......10幾歲人...點都俾我放一次啦~~