冇心情寫書面語

------------------- 

今日補完習到英皇機鋪打機

走左先知散紙包同手機套唔見左

返去再搵　已經搵唔返

個散紙包我好鐘意架　唔係咩名牌　但對我黎講好重要　入面仲有成舊水

一定係俾人執左　頂佢　勁冇人性

你阿媽生你冇教你唔好亂拎人D野架咩　食濕米架你?　讀屎片大呀? 

不過都怪自己衰女　冇好好睇實自己D野

唔係話我冇錢賠唔返俾阿媽

有少少內疚　如果D錢係我自己搵GE　我心甘命抵

但係D錢係阿媽o既血汗錢　唔見左好對佢唔住

呢舊水相等於佢做半日野GE人工

就算我冇錢都唔會用阿媽D錢去打機　而家真係頂佢全家

鬼唔望你行路仆街 !

唉　成個禮拜都唔駛食LUNCH喇

返到去青衣就幫阿哥買飯　跟住返屋企

老竇:『你食左野未』

我:『食左喇』

其實咩都冇落過肚　仲有D胃痛

食鬼咩　食龍肉都冇味啦

好煩　中史又未溫完　實唔合格啦

咩MOOD都冇哂　溫佢屎忽

都唔知呢排做乜　仲黑過墨豆

DOWN死