所謂做人留一線,但係,呢個世界根本唔會同你講人情味

同你三唔識七,理得你去死...哈哈

但係,你要玩野,都唔好玩咁盡....

唉...自己又係衰先,臨尾2科ORAL先唔見左准考證...

不過,人有時就係咁古板...死守規矩..

上次考中文ORAL,同佢講冇准考證,我俾張ID CARD佢,佢都俾我考

但係今次..真係想打佢

今日6:30要考英文ORAL..坐左成個鐘車..點知早到左成個鐘...5:30就去到-_-

一去到就有條友行埋黎叫我做問卷..我見有時間,咪填下囉...

條友唔知係咪無聊得制,係到聊我傾計..又叫我唔好驚又剩..又問我住邊...真係O哂嘴-.-

6點鐘入到去...問下自己係邊個課室..........

我:『唔好意思呀..我冇准考證,想CHECK下自己應該去邊個班房..』

考官:『你考幾點架?』

我:『6點半』

考官:『未開始喎,到你呢批我先幫你CHECK下啦,你坐係到等啦』

期間見到個女仔同我一樣又帶准考證,但係佢連自己考生編號都唔記得左..

個考官唔俾佢考...個女仔就黎喊咁制,個考官都唔俾佢考....

終於到我果批.....名都同我點埋...

我好肯定我係呢個班房考.....我覺得佢都知我係呢班GE考生...

到左派電腦記分紙果時...

我:『(SHOW ID CARD俾佢)』

考官:『同學,你張准考證呢?』

我:『冇帶...(我一早講左)』

考官:『你又係冇帶呀?頭先講左架喇?』

我:『係...』

考官:『一係你坐15分鐘先,我陣間再處理』

我:『哦..』

過左陣................. 

考官:『你冇准考證唔考得架喎,你都見到頭先果個女仔架啦,你要補領返先考得』

我:『我上次有ID CARD都考得喎』

考官:『真係唔考得,你都係補考啦,你填左呢張野再去灣仔啦』

同佢嘈左一輪..佢都係鐵石心腸....

明知係最後一科都唔俾人考...佢話補領連考ORAL加埋要$205....

之後勁火咁走左.....

你係唔俾我考GE,你一早叫我走啦,係到哂我咁多時間

我坐左係到足足一個鐘....真係火都黎

我仲要狂俾蚊針.....

走出去果陣,心情勁DRY........

點知,行2步又要做一份問卷...今日做左5份囉.....

有條友超好笑..我見到又要做,呆左呆..

佢話:『幫手做份問卷丫..呢份唔同架』

佢見我呆左呆,之後話:『你唔好驚....』我想打人..不過想笑佢多D=.=

唉..車錢都蝕埋........

返到屋企....知道左一D野...心情真係超差.............

人善被人欺...今日完全體驗哂..

點解人要蝕底過先可以買教訓?