2006 年 8 月 10 日 星期四 HaTe HKCEE
會考放榜第2日,我仍然煩惱我既前路問題!!!
到底...升好定係唔升好呢??
升..又會去D垃圾學校,而且會讀得痛苦!!
唔升....我又唔甘心~~
但係IVE又交左學費喎....$4700...唔通就咁算咩!??
就算有學校收...又唔想再讀理科...轉文科又邊緣人!!
re??又覺得今次自己盡左力...
又唔知re左有冇用...!???唔得又變左晒時間...
要re又要再對phy, chem, amaths~~
而且一定要去補習,日日去自修室溫到自閉咁....
然後而對果種令人想痛哭既死人HKCEE!!!
最最最死既就係...D Ms 阿Sir個個都踩多我幾下...
其實真係接受唔到咁既成績.....
我喎!!!自己喎!!!!點會咁呀!???
真係發現自己越大,成績就越差....
根本就一路倒退!!!!人地進,我就退!!!
到底個腦發生咩事!??真係想打爆個腦!!!!
一講到補習,爸爸媽媽都怪我冇補習先搞到如斯田地~~
計我話,我係真真正正靠自己讀既~~
其實該應學校做好D,D人唔駛去補習...
咁咪公平囉!!!你話丫!!?冇$果D人冇得補,咁佢點算丫!?
唉...但係個個都去補習又係事實....
唔補係自己傻....
問心丫...其實真係幾想再挑戰下自己....
但係又怕個考試...
唉....而家唯有試下讀IVE先啦...
希望真係岩自己讀啦...一路順順利利...上到大學!!!
咁就prefect喇!!!
好似明媚姐姐咁....讀出香港,讀入英國~~
不過最唔服既就係....竟然有D平時差過自己既人都可以升~~
情況出現得太普遍喇!!!!到底政府大叔有冇留意到!???
咁樣真係"一試定生死"啦!!!
香港人又多...你D學額又要少...
係人有$都去外國讀啦!!!!比我?走夾唔抖添呀!!!
人地去一去外國咋...大學!??讀完喇!!!
香港??等到我死都未輪到呀!!!機會幾咁少丫??
第日失業率上升都係你自己攞黎架!!!
知唔知要1個地方繁榮,受教育水平係要高架!!!
中五出黎可以做咩呀!???
真係越講越激氣!!!!爆個粗比你呀!!!!
[ 訪客留言(0) ] [ 編輯日誌 ] [ 分享至FACEBOOK ]
« | 12 | 13 | 14 | 15 | 16 | 17 | 18 | 19 | 20 | 21 | ... | 41 | »
