今晚我o係某電影頻導睇番套 96年o既電影！
真係好好睇，雖然係第二集，
但比第一集o既感情更豐富！！
‘ 金枝玉葉 ’&“ 金枝玉葉 2 ”
值得推介！！

Ⅳ月Ⅸ日係肥比生日！
So 夜晚收工就去o左燒野食！！
幾好！！

今日返工好‘支力’，諗住可以早走！
點知真係提早“收工”！原因 ... .. .
『工傷o左』變o左「大姆子男孩」！
11:XX p.m 見無乜客，其實由10:00 p.m 開始已經想走！！
咁見（特首）無示意我收工咪繼續做囉！！
咁見部刨機【切割機】o岩o岩磨利o左，又見佢咁多跡，
咪幫佢清潔囉！好衰唔衰，刷緊個刃位附近，咁部機係開著嘛！
咁o岩個經理入o黎見到我咁危險，咪喝住叫我小心！
一喝，我即刻《冼手》，見佢喝我，我即時縮手！
咁就中招！手指公即時爆晒江，見到塊肉仲癡住係手指度，
咪順勢撕開佢！！見到個傷口，唔太深，但真係流o左好多血！！
咁就即時拎o左D﹛胡椒粉﹜o黎止血！！
* 胡椒粉係有效止血功效 ，仲唔多痛添 *  信不信由你！！
（特首）見狀，咪叫我早 D 收工！！
走o左即刻去o左睇醫生，經醫生悉心〔洗刷〕傷口後，
就變o左「大姆子男孩」！

唉！痛，真係痛呢！！
而家諗諗o下，早知唔去睇醫生，去睇 QE ｛急症｝喇！
唔使咁多錢之如，個假仲會多D添！！
咁我《補水》都多D喇！！
但有個問題就係，唔知 QE 點同我洗傷口wor ！！
另外，我發現病假紙上寫o既係四日假，但下面有行寫住復工時間，
o個欄係刪o左！！咁我四日後洗唔洗去覆診！？
覆診又幾多錢呢！！
今次總共使o左 $320 ，好彩可以補番，唔使咁金！！

做o左成個禮拜，今是終於有得放假！
尋晚本應諗住北上找朋友，點知比人“放飛機”
咁o岩亞肥o黎搵我，遊完車河一輪，就上o左老地方暢飲！！
之後仲約o左“今日”，去澳門自遊行！！

4/4 ：今日差唔多2:XX p.m 就到o左目的地！！
我地首先漫遊o左一陣，因為唔太熟澳門呢！
搵o左D小冊子，巴士路線圖&地圖就開始旅程！
首個地方就係去o左‘賽車博物館’&‘酒館’~~
睇完一輪靚車，加埋試酒，都係 $10 咋！！
第二個地方就係去o左“大三吧牌坊”&入o左去裡面(地下禮堂)！
有個好特別o既石像，見到石像o既樣貌，令我想起一個人！！
電影“這個殺手不太冷~主角：尚連奴”，勁似囉！！
去大三吧時，經過的“初五日街”&“買手信o個條街”
嘩，行到o個度D商鋪真係熱情款待！！
卒之都買o左小小喇！！
去完大三吧，就諗住過去‘逸園賽狗場’，諗起未開跑！
就先去o左睇運氣“葡京”~~因為之前去過，So 都無咁大期望！
入到去玩完一輪“賭桌”，就過o左去玩“角子機”(老虎機)
那時，我D“子彈”都開似不足，因為呢次無諗過賭咁大，細細地諗住上限$500！！
我都係第一次去玩老虎機咋，玩唔多！！
結果，比o左  $2XX 阿‘何生’！！時間差唔多！
就過o左去‘狗場’，入到去o岩o岩開第一場！
亞肥順口講o左一號“精神”，點知真係跑出！！(衰在未買得切)
到第二場 ... 第三場 ... 第四場 ... 第五場 ... 第六場 ... .. .
哈！睇o左佢賽時一半，估唔到比我中o左一場！！
( 第X場，二、五連贏，$10，9.8倍；本應有十幾倍，但最終比人買到得番 9.8 咋)
洩晒水！！記得唔知第幾場，隻「大熱狗」同其牠狗炒埋一齊，結果隻『小冷狗』跑出！！
勁攪o野！！
其後就去o左遊覽“賭場”！！
金沙&金域！！本應想去埋金龍，但已經太遲了！！
全日吃喝玩金額：﹤$500 抵 (唔包船飛)
後記：呢次去澳門好開心，我當自己贏了！
因為第一次『賭狗』就中了！需然唔係贏好多 $98.X ，但我已滿足！！因為收過錢呢！！

今日返到工~收工，由12:30 p.m(遲到半個鐘)做到1:30 a.m (OT尚三個鐘)
即係返o左十三個鐘頭，都唔好話唔‘支力’！！
第一次有種唔想做o既感覺！可能因為成個禮拜都無放假o既關係喇！
唉！苦~~~