連續好幾日都係七點幾八點起身，雖然唔係早，不過對而家o既我黎講有點辛苦。一朝早落雨落到倒水咁…頂！之後係咁上網Check 會唔會掛八號…最後都係三號Only。搭車去西鐵，點知班車去新北江…-_-"上到西鐵無位坐…成個人好呆。未訓醒咁…去到荃灣西再轉巴士…之後食個早餐就陼豬去見工。出面狂風雷暴咁，街上的人好狼狽…日日係屋企望落街就係望Lei D事。見完行返去西鐵站，行左好多冤枉路…真係好想快D 考到個牌買車，唔駛成日行路同埋泊餐死。

出左尖沙咀，本身想去科學館，但係人家星期四休館！之後走左隔離歷史博物館行…都算多野睇，不過無咩好玩。之後行返去尖沙咀個方向搵野食，食左成粒鐘…未試過食野可以食得咁慢！四點去銀行過數，但係豬無拎紅簿仔唔得…浪費左好多時間。之後就行 Silvercord同埋新太陽…即係行I.T 都行左好耐…D 野平到喊。不過無野睇中，去左新太陽個邊無咩野睇，反而係Silvercord 間D mop 而家仲有個Y-3 Messenger Bag。雖然係鍾意，不過唔捨得買…遲下有多餘錢都會考慮下。行完晒之後，豬豬已經睇中左無數咁多樣野，佢除左鞋之外其實都買晒成身架喇！最後滿載而歸…