今日請左假，個個星期六都要請…十二點幾去左學車，今日學車好好多，比起上次果個真係差幾皮。今次個阿Sir 係咁同我講人生道理，不過佢講之餘都有教我點做，真係好喇！而家泊位掉頭斜坡都好左好多…不過要繼續練習，我唔想重考！真係唔想…無錢。之後出返去，同阿婷食生活之味…之後阿暉係咁Call 我幫佢睇下今晚邊度有波睇…條街熱到出煙咁，真係無咩心機行，行左幾間都無就算了！

左去屯門，諗住去睇下D 補習幾時開，仲諗住去即刻報名。約埋阿鋒一齊去，點知去報名時，填好晒野佢話自修生唔俾喎！呆左…咁都有？有生意都唔做…豈有此理！之後都無法喇…要阿鋒白行一轉

之後就返去了，返去新北江買飯返去食，返到去仲有香港先生睇，雖然得個尾，不過都有睇，比起上次，今次個香港先生有點細佬仔。之後就睇老馮日記，原來幾好笑！睇左一次就已經完了…之後夜晚落左元朗睇波。

估唔到我都會記錯野，Sorry…我唔會再記錯架喇！對唔住~