蜂蜜與四葉草既結尾...都可以算係happy ending...

其實結尾我已經係暑假睇完...而動畫就係十月左右睇埋season2...

作者羽海野千花似乎好嚮往大學生活,所以一切都係大學發生..

"蜂"既畫功唔會誇張,主角唔係特別畫到太令,

每一位主角最突出既就係一條線既嘴同多個圓型所組成既眼,

而每一位主角都有唔同性格,

竹本既羞怯,森田既自我性格,真山既執著,阿美既天真,仲有山田既痴情,

竹本,唔鍾意同人競爭,寧願自己離開戰場,

都唔願意同森田爭阿美,不過偏偏臨結果既時候,阿美趕去火車站,

送左一份蜂蜜加四葉草做既三文治,

竹本知道之前阿美講過四葉草代表幸福,

依家將四葉草送比竹本,就代表將一切幸福交比佢,

至於森田,我認為故事中最搞笑既人物...終日沉迷工作間,不在乎別人對自己既意見,一直對阿美既感覺有時認真有時玩,難以捉摸,

但最後阿美受傷果陣就由工作中抽身出黎探阿美..仲表達愛意,

而真山,則一直鍾意理花,但又一直保護前女友山田,唔比真山覺得非常花心既野宮接近,

雖然最後野宮都係同山田一齊,但係真山亦都搵到佢既目標,

阿美,非常細小且可愛,雖然身型似小學生但係已經19歲...

係動畫中既聲音非常可愛...對於森田同竹本既感情一直不明,

成日跟著表哥阿修,而阿修亦一直保護佢,臨結局時候右手受傷,怕畫唔到畫,一度落莫....

而山田,被真山甩.....但係都繼續鍾意佢,直到遇見野宮,

野宮不停叫山田放棄,無謂傷害自己...

而真山就有一種我得不到的東西沒有人得到的心態保護山田...最後...山田都係簡左野宮...

其實呢篇漫畫會合左友情,親情,愛情......

友情就係5人之間既關係,冇左邊個都唔得,

而親情就係竹本對於佢既媽媽,新爸爸既感覺,仲有森田同佢阿哥阿馨一齊拚命賺錢而又互不關心既關係,

至於愛情,當然唔使講,就係各個主角之間既三角戀...

而動畫裡面,op依然得一隻...Dramatic...

歌曲既旋律非常輕快而不柔和....初初聽係覺得非常嘈...但係都係一首好歌,

至於ed就係"華爾茲"..2首歌我都好鍾意聽,

而當中亦有好多插曲,最鍾意既插曲係"八月的小夜曲"應該係第2集既插曲..仲有"波光"....

而"蜂"既電影真人版已經暑假既時候係日本放映,

不過人物都唔係太似...竹本竟然唔染白髮....而且阿美好高....

係"蜂"裡面成日出現既並唔係四葉草或者蜂蜜,而係摩天輪,

一直唔明點解作者咁做..到左最後竹本既解釋唔知係真係假..

竹本既思想裡講...

一切的東西都會消逝,都會變為回憶,

雖然東西消逝,但有你,有我,有大家,

回憶都會在各自的心裡的某處,永遠的轉動,

可能作者就係想話回憶好似摩天輪咁轉..唔會停..........

<<<<<<<<<<>>>>>>>>>>

六個塌塌米大的房間,三個塌塌米大的廚房,

沒有浴室,走到大學只需十分鍾,

屋齡二十五年,房租三萬八千日圓,

所有聲音都聽得一清二楚,住滿學生,

方位朝東,早上十分刺眼,

然之後..故事開始.............