星期四跟啊頭返咗大陸

八點半去到羅湖搭廠車

個半鐘頭就上到去望牛敦間廠度啦

兩日半的工件都係睇下文件

熟習下間廠的運作

間中幫手追下嘢

頭這兩日半真係超唔慣

係一個陌生的環境周圍的人都係你唔識的

係咁的環境生活同返工真係好辛苦

我兩日來的活動範圍就只係宿舍同寫字樓之間

真係悶到痴線

長遠落去唔係辦法

終於明白打工仔的心聲

返工望放工,放工望放假

星期六間廠十二點就收工啦

我又跟廠車返落來香港

十二點八到開車

我三點幾就返到土瓜灣

都算幾快

叫咗添知落來食飯

勁肚餓

食完佢去出iphone

我返屋企執嘢

出街影相

夜晚睇戲

十二點一蝙蝠俠

睇到成兩點八先完

兩個半鐘真係夠晒長

套戲又真係幾好睇

不過今集蝙蝠俠心愛的女仔死咗

有d可惜

希望佢唔係最後一集

不過今集有d唔係幾滿意佢將香港拍成一個罪惡的溫床

咁會搞到外國人真係以為香港真係好差

不過總結係一必睇的戲

過多十幾個鐘就要返上大陸啦

但就算心中有千萬個不愿意都要迫自己上去學嘢