今日約咗波波佢哋係長沙灣打羽毛球

打十點到十二點

打的人有波波,阿牛,榮少,波波個friend(打過一次,仲未知個名)同我五個人

打得都幾激下,波波個friend真係好勁

唔夠佢打

打完波我同波波,阿牛,榮少去食lunch

波波請我同榮少食,因為我同榮少幫佢補習工程科學

我哋找咗一間茶餐廳食

食完我哋四個各散東西

我去青衣ive

我要去睇機械人比賽,前間中學都有參加,我要去幫下手

我唔識搭車行咗好耐先搵到42a

去到青衣ive,再跟住指示找到隔離的SBI禮堂

找到了同我好好朋友的老師-戴sir

同佢傾咗一陣(因為都好耐無睇,都傾咗好一陣)

傾到我間學校有機械出賽的時候我先落去幫手

因為我都參加過三四屆,都可以話有經驗,可以給下意見,但最重要的係我可以幫忙維修

我都很高興佢地,他們雖然未能得到冠軍

但都嬴咗好多場得到個優異獎(有好多人參加,係一個全性的中學比賽來喎)

比完賽我再影咗陣相

過多陣我就上去禮堂的上層(我間學校係大會的理事,幫手做大會的計分同攝影工作)

禮堂的上層係我間學校的基地

因為上層有不少的攝影器材同電腦,被列為禁區,好少人可以上去

而這時賽事都完成得七七八八,剩下一些零星賽事未完成

所以這時間較悠閒

我拿咗部用來計分的電腦用來上網同玩msn,

我間學校的人(工作人員)大部份己經走晒

剩下我同我的另一個師兄仲有戴sir

我哋要等到所有賽事完成計分工作才可以走

但剩下的賽事非常難搞

踼波打九個字一場聽得多啦

但我都係第一次聽到踼波打和要用咗九個字時間來射十二碼定勝負

都係因為機械人踼波不夠人來得靈活未能在球賽的六分鐘內取得入球

但射十二碼定點球的命中率奇高(無龍門的關係)

仲有賽例不夠完整的一系列問題先搞出這地獄十二碼的笑話

我哋等到七點先有結果

搞到我哋要七點半走得

我要八點幾先返到屋企

夜晚再上添佑家

搞到成點幾兩點先訓