昨日返完工十二點幾返到來文少同我講去踩單車

我以為係下個星期

點知係今日去

啱啱個星期四先踩完又踩

本來都唔想去

佢地叫到都係咁好意思唔好

加上又好耐無同佢地去聚過

最後都係去咗

我係去之前問咗佢地係唔係準時

約咗十二點半

最後都係成點幾先齊人

等到我好唔耐煩

跟住去租車

嘩真係食咗人隻車

成八十五蚊,仲要返來交車

個個都唔想掃興,最後都係租咗

跟住搞完一大輪嘢成兩點先正式成行

我都頂咗佢地無嘜計劃

點知佢地真係完全無計劃

行去邊度又唔知

點行又唔知

我諗佢地真係諗住見路就行

咁都算啦

踩到大埔三點幾未四點

踩咗個幾鐘頭

已經有人吵話要回程

驚唔夠時間返去交車

真係三個幾鐘返大圍,你行返去啊(!#$^&)

我無理佢地

同文少,波波,綿羊,牛幾個踩入海濱公園

我同波波去到最尾個碼頭

點知佢地三個無跟來

牛打來話走

我真係唔想多講,你話走ok！

返去的時係另一個碼頭度玩咗好耐

玩影相，影完走

一路都以我有史以來最慢的速度返去

但都係未六點就返到去還車

跟住就成班人係度等決定

去邊度食

好不容易決定咗出旺角

但搭火車出到旺角又搞一大輪先決定到去食韓燒

去咗旺角的漢和

今日係來到這道開心d

我地勁食嘢

化不滿為食量

我同波波,文少,線羊一台

一路由頭帶到落尾

食咗好多嘢

食完燒的食甜品

食完甜吅再食雪糕,食埋生果先走

埋單位位109

食得開心又夠晒飽

玩得又開心

這餐我就覺得抵好多

今日去的人有我,文少,啊牛,波波,綿羊,榮少,唐詩,黑仔,周樂煇(火腿),多瑜+佢女友.一行十一人

總今日真係貼錢買難受

用咗一日的人工

仲要玩得唔係咁開心

真係用得唔低

早知應該相信我的第一感覺

今日應該係屋企攤抖

唔好搞咁多嘢