終於都返工啦

今日係第一日返吉之島

返工之前十一點幾

有個ee的學生打來

佢話shiu sir話搞個學會出來

打來叫我一齊搞

要係十二月二號之前遞表

所以很急要傾

我就飛小巴去葵芳

同佢係麥記傾咗成個鐘

傾完跟住返黃埔返工

點十一返到

但叫我兩點一返來

話未有人

返到來就填咗入職表之類的嘢

填完就搵咗人帶我出去

我返二點到十點

中間有半個鐘食嘢時間

做的嘢都係包下貨

包貨都好d啊

要幫人登記送貨的時候先麻煩

要數幾多件,打電話問送貨時間

問完同個客講返

時間啱啦打單出來先叫做一張單

咁大個仔都未試過咁驚用電腦

仲有啊

有好多日本人來買嘢

差唔多有三分一的人係日本人

要講英文

雖然d英文都算簡單

但未試過個嘢

一做就要用英文真係幾驚

今日都幾好彩

遇到的同事都幾好人

都好肯敎我

做錯咗同我講返要點做先會好d

又肯幫我

真係好彩

跟住十一點放工

放完又有三個人生日

要出旺角同佢地唱k

之前無人同我講過

真係好驚喜啊

生日的係橋,凱同貴

貴就過多兩日

但今日預祝咗先

唱到點半返屋企啦

搞咗成日都幾攰下

明日又要返工啦

十一至七