十月一日

係中華 人民共和國成立五十六周年的大日子

周街都插咗國旗同區旗

好像好有節日氣氛

昨日阿鋒話出去行下街

我就三點幾同佢出咗去深水埗

佢睇咗mp3先

再過去旺角行

我地去咗esprit睇衫

剛好遇到佢轉季減價

我又睇中咗一條褲同一件恤衫

佢又睇中一件恤衫

五折再加上佢的會員卡有九折

就平咗好多啦

買完佢家姐打俾佢話佢出尖沙咀睇煙花啦

阿鋒就話係旺角同我食咗嘢先去

跟住我就俾佢拉埋過去睇啦

去到尖沙咀好多地方封咗路

我地入唔到去

阿鋒個家姐又入咗去星光大道出唔到來

匯合唔到

新世界附近又好多人

所我同阿鋒就行咗過去尖東睇

睇個位置都ok

點知就無咩風

放煙花的時候吹唔散ｄ煙

唔多睇到煙花

攪到好多人不歡而散

好多人提早離場

我都無咩點睇，因為都唔多睇到

睇完等咗阿鋒的家姐出來

佢家姐就走先

我同佢就係尖沙咀行多陣

行完我搭５ｃ走

第一次睇到一架上得咁爆的５ｃ

第二站就上滿咗人

十點幾返到土瓜灣

又上咗添佑天台一陣先返屋企