今日終於都到啦

本來約咗suki,T-back九點半一齊返去拿成績表

但點知suki未八點就打來吵醒我

話要早d返去拿成績表,因為有好多人已經返咗去排隊

咁就早d返啦

返到去上咗567室

但要一個一個排隊入去會成績表

我係外面等咗兩個字

這兩個字真係好漫長啊

我又驚會唔合格唔想面對但又想快d佑到個成績早d有個了結

我一入到就問miss我合唔合格

miss話你好像合格

聽到這句我個心真係鬆咗好多

到我拿到張成績表,睇到個2c就真係放下心頭大石啦

跟住過咗一陣ok sir又打電話來問係唔係真係讀網絡應用

我都係諗住拿咗個文憑會穩陣d

再去搵下有冇其他文憑讀(我都覺得有少少衰仔,但無計啦,為自己衰少少都要做啦)

個李惠利報咗個文憑同拿咗學費單之後我就自己一個人去咗青衣問課程

問返前日個去問的創意玩具及智能產品設計高級文憑有冇位同補返eps成績仲有問下收唔收我

去到青衣就由停車場直到搞電梯上去350室

入到350室同d職員講明我的來意之後

佢地叫我係度等一陣

但這一等就去了個多小時

最後我主動捉住前日見我個啊sir佢先幫我搞

但都係叫我放低咗eps的成績表副本

跟住我就落咗去問下仲有有其他課程

問問下suki打來話早上的學費單錯咗

咁我又返咗去李惠利換啦

換完我又返返去青衣啦

想問下機電科技應用高級文憑的嘢

當我等咗一陣之後dr.蕭打來搵我

佢問返我少少資料,同埋佢話佢要問下我eps的成績作咗實未

如果係得咗的話會收我

但佢要問一問先,一陣再打俾我

我等咗一陣

dr.蕭就打來啦

佢話我eps的成績得咗啦

可以收得我,叫我一陣返來搞返d程序上的嘢

我就返350室搞啦

這次又等咗我半個鐘

成個程序都好簡單,填少少嘢就得啦

填完再落去秘書處交表

但點知要明日先有得拿學費單

咁就算搞完晒d嘢啦

唔知點解又有少少想讀機電科技應用高級文憑

因為我對這個課程都有興趣,同讀完的就業有保證d

但我都係無再返上問

搭車返屋企的時候打電話俾戴老師

問下佢d意見,

佢又分析咗兩科的嘢

佢都係覺得玩具的發展潛力較大,靈活但就業方面無機電有咁大保障

而機電就係較沉悶但就業方面就較有保障

戴老師都係話我要自己諗下

同要睇下升學方面的資料

咁傾咗成半個鐘

返到屋企之後我又打電話去問玩具的升學資料

點知又係dr.蕭聽電話

佢又好像知係我來

問我係唔係劉同學

我就直接話我係邊個同我想問咩

佢又好詳細咁講咗好多升學的資料

又講咗好多這個課程的資料

仲話唔使担心

用心讀的話一定無問題

今年仲多咗好多資源俾我地用

個課程咩都會教

但英文就真係要搞搞佢

佢又講咗d學英文的方法

咁又傾咗半個鐘

這一個電話令我對個課程的信心就大咗很多

但仲有少少嘢唔好

本來諗住我選這d科應該無咩人讀啦

點知有個fd的同班同學可能都係這個課程

仲要係一個唔多想見到的人

唉...........

我唔想接受這個事實