又到星期五啦

返完今日就有兩日假啦

但這兩日都係有好多功課要做

好就好在我可以訓飽佢

今日返到學校又係教下reading d嘢

無咩心機聽書

miss問我問題都唔知點答

跟住就提起精神聽書

又俾人問過幾次問題,今次識答啦

頭這兩個鐘miss都駡過我地班

話speaking1同3都仲有咁多人唔合格

依家仲係度睇報紙,睇雜誌,玩牌

雖然以上的嘢我都無係上堂做(小息會睇報紙)

但我都覺得我地班真係有問題

小息的時候又出咗去班房

行行下另一個miss同我講教員室外有speaking1 3的成績睇

我行去睇

成績果然不出我所料

1合格,而我上訴唔成功的3就肥咗啦

考完我就投訴個拍擋啦

但個阿sir就佢講得唔好關你咩事啊,講好自己嘢就得啦

真係好想打佢啊,個拍檔唔合作我又點講得好啊

唉...........十六號又要考過啦

跟住打俾suki問佢學號睇成績

睇到佢唔合格

又叫咗t-back出來睇

佢地兩個就慘啦

suki就兩份都係1a,t-back就一個1a一個1b

t-back同我講suki已經知到成績

仲由一知就哭到依家,都個幾鐘啦

過多一陣返完早上

放食lunch

我同佢地兩個人出咗去旺角食啦

無返下午,都唔想返來對住d英文

三個都唔多開心

去咗機鋪打機發洩

我打咗幾拳打拳機

出盡力來打,發洩咗之後好d啦

但開唔爆個紀錄就機就有美中不足啦

差好少就得

打完本來仲想同t-back去睇魔術的道具

但佢又唔記得個地址

咁就各自返家

我返到之後又訓覺

好攰,希望訓醒就咩問題都解決到...........