今日好忙啊

中午三點幾去咗深水埗

五點幾老豆叫我幫佢手裝家私

就過去荃灣個麗城花園

搭地鐵去到荃灣仲要轉小巴先到

去到已經六點幾

我幫下手整下嘢咁就八點啦

但仲未整完,但都搞好咗八成幾啦

我就同老豆講我約咗人要走先

我走咗諗住搭地鐵去尖沙咀

但又等唔到車

我就改搭紅色小巴出旺角再轉地鐵

去到尖沙咀之搞咗好大一輪先搵到間酒店

我成九點幾先到

得返一個鐘時間食嘢對我來講都夠啦

但我d朋友又係咁叫我出去拿嘢食

係唔係想叫我幫你地拿嘢食啊

講返今日點解會去酒店食嘢先

係因為同綿羊慶祝生日

一共六個人,有我,綿羊,文少,肥葉,波羅仲有好耐無見的霍sir

今晚食的主要都係甜品

有d都幾好食

我仲借咗佢地的相機影咗好多相

食到十點幾先走

係尖沙咀行咗陣再行去黃埔,中途霍sir走咗

佢地話去網巴打機

我本來唔諗住去,因為我又唔識打機,仲會玩到好夜唔係好想

但係佢地都極力邀請我去(群眾壓力)

咁我無謂掃興啦,最後都係去咗

綿羊又叫咗啊牛來

六個人就入咗去啦

由十一點九開始

開頭佢地打足球遊戲

我唔識玩就自己玩cs

跟住佢地玩完兩局足球就同我玩cs

六個人分兩隊

我同牛,肥葉一隊

綿羊,文少,波羅一隊

咁就展開撕杀

玩到三點度

佢地就再玩足球

我同波羅,牛玩賽車

玩到四點先走

埋單25蚊

都ok

同啊牛過去家維邨搭小巴返土瓜灣

我返到家沖完涼都成四點半啦

跟住訓覺啦