今日阿橋約咗我幫佢砌機

約咗佢夜晚先去

我六點打給佢

佢話要返屋企先

六點幾先出來

我等到六點半再打給佢

但佢話過多陣先過來

我等到六點九多d又打給佢

佢話十分鐘後過來

我等到七點一等到我唔耐煩啦再打給佢

打通無人聽

跟住我自己過咗去深水埗先

去那邊等佢

我去到旺角佢先打給我

成七點半啦遲咗九個字啦

到咗深水埗之後我去咗鴨寮街買嘢先

好彩我想買嘢的鋪頭未關門

等咗一陣橋就到啦

我同佢先去食飯

食的時候先知到佢點解咁遲

佢都盡快啦,但佢唔知腦場早關門

一般九點就收鋪

去買的時候都八點半啦

但只係用咗半個鐘唔夠的時間就買晒嘢

等埋添佑收工就返佢屋企砌

我一邊睇住有線電影台一邊砌

好快就搞完

但係好專心裝個光碟機時就唔小心給個機箱介到隻手指

好彩唔係好深,唉.....唔專心無事專心就出事

十點半就搞晒d啦

開機試下啦

點知出奇地順利咩都一次過認到晒

仲要入到個舊個windows me

咁多次砌機中最快今次................