今日是會考英文卷三的日子

我識的不少人都有考

我等佢哋考完之後打過電話去問侯下

到下午三點就同阿牛,波波打羽球,係黃埔打

文少今日先考完佢的最後一份筆試又話過來打

我同阿牛到咗先所以打住等

到三點九先人齊

我哋就打到五點到就去咗吉之島食嘢

我叫咗個點心食

因為一陣約咗人食飯

約咗人七點食

係我以前的中三四的舊同學

本來有七個人,但有一個人放我地飛機,佢就係波羅啦(好想打佢)

咁就得返六個人啦,這六個人係文少,綿羊,阿牛,肥葉,黑仔,我

六個人找咗間餐廳食

好搞嘢,係度落單叫嘢食的時候係我哋頭頂的盞燈突然暗咗

吓咗我哋一下,跟住個侍應話,燈光暗d浪漫d啊

"我蔡"我地六條麻甩佬好齊地講"我哋六個,唔係啊"

當時的情景都幾搞笑下

叫完嘢之後我哋就係度傾下大家的近況

食到八點九先走

佢地五個人就去睇戲

但我無去到,因為約咗另一班friend