由於昨日的比賽是一連兩日的(這兩日是初賽,五月二十一日先至係決賽)

所以今日都要幫手

但今日簡單好多

只須要我做攝影的工作

由於我太夜訓我今早成九點幾先起身

本來九點幾要到,但我成十點三先去到

阿鋒再遲我少少

好彩,早上不太忙,大會也遲了開始,我哋遲咗都無咩影響

昨日唔無寫到SBI的校舍有幾好

好大,好靚,好新,用一個字來形容就係"精"(想知有幾精,自己去睇下又或者問我拿相睇啦)

講返今日的賽事先

今日早上有機械籃球,機械短跑,機械拔河同機械接力

可能係我睇咗咁多年都麻木晒啦,

無咩感覺

但係又出現返昨日的情況

機械籃球又係久久未有入球

但好過足球,在正式時間後的三四個字時候就有勝負

到下午的小學組比賽就好睇好多

項目有機械短跑,機械拔河同機械接力

最好睇係機械接力

小學組的氣氛好激烈

在場外不住地傳來歡呼和吶喊助威的聲音

我影咗好多比賽時的相

有不少的是小學生比賽時興高采烈的情形

今日的賽事在五點就已全部完成

我哋班工作人員收拾完器材再搬上車

就各自回了家

我就同阿鋒一齊返學校找戴SIR,幫佢收拾學校的殘局

收拾完戴老師請我同阿鋒一齊去食糖水

去有紅磡新食街之稱的民泰街食

去咗"芝麻綠豆"食

我叫咗一個芝麻燉蛋

好好食啊

但要成17蚊個(我覺得有d貴,但有啊sir請我都無咁心痛)

食完我哋三個就各自歸家了