慈青營返來 好開心 好感動-

初三乙班嘅每一位同學同班主任都改變左好多 令我發現到佢地另外果一面-

大家面對住困難都好勇敢 好團結咁樣去解決-

再唔係好似以前咁一盤散沙-

第一日晏晝嘅每一個GAME都好好玩- 我地GAGA GROUP真係好團結-

到晚黑我地成班一齊玩飛越橫梁 我終於感受到我地班每一位同學內心果一份對同學嘅真誠-

每一位同學都竭盡全力 去完成哩個挑戰 用左8分05秒 36人全部過曬去（包括班主任）-

跟住大家感謝對方果陣 我好感動-

最後 響同學背後寫低自己想對人地講嘅說話 睇完我即刻喊左出來 真係好感動-

我自問自己唔係對所有同學一視同仁 但係同學對我 係好好-

晚黑仲HIGH  我唔記得帶睡衫 好彩紅姐除左套衫比我著 雖然係女裝 但係超感動-

哈哈 跟住訓覺果陣講鬼古 河童死鬧我 咸希超驚LOR 傻傻地-

第二朝6點就比河童佢地嘈醒我 有病架 佢話要報仇 -

今日最後一日 玩最後一個GAME  好似係叫HIGH V-

當我企上去條鋼絲果陣 我真係好驚好驚 我成個人震曬 不停咁樣郁-

但係D同學叫我 加油 向前傾果刻 真係比左好大力量我 一開頭比佢地嚇左下-

最後我都順利咁行到終點 落來果陣我成身出曬汗-

到左尾聲啦 導師派左張紙比我地 寫低對乙班嘅睇法之類 最後佢地將D紙整成一本紀念冊-

跟住大合照 就走啦=

經過今次 我真係好愛我地班-

仲有班主任呀 佢真係好好玩 係一個好嘅班主任-

同埋呀善 哈哈 你係一個好成功嘅導師-

哩次活動我哩一世都記得架- 哈哈