琴日放學我都冇交作文...真係沉淪....= =

今日一早...唐老鴨就拎左本鳳凰會密令比我...
正死死啦= =
一開始既班主任時間我都開始睇本書...唔理其他人..特別係顏sir..
費時比佢追作文=  =

完埋個早讀之後...就上chem堂...開開心心快快樂樂就完左
不過今日教既電解...wor...力煲埋佢就有可能拎c...
加油呀....向着夕陽追趕啦...!!!
(幾時變得咁激= =)

之後就小息黎料...繼續煲書先= =v

點知煲煲下差d唔記得落去上geog堂...
落到去...時間岩岩好...冇遲又冇早
但係今日上既都係d無聊野...

跟手又係小息...上英文...做usage....ok過得去啦...
點知顏sir係臨走個陣記得我未交作文
叫我快d交= =lll
真係混帳....

之後lunch...肥彭同條女食...得返我同明仔一齊食
咁我地就去左酒樓食...一路行見到咩都搞gag...笑死左= =

返到去就為學生會投票
係入面就見到周卓...咁我就拋低明仔
同佢傾計..由搭3~4傾到搭8
傾左一dst.john野...又傾左d無聊野= =
好野wor=  =lll

之後就phy堂...拎埋pe衫落去...費事上返樓
上phy堂...又係嘻嘻哈哈...串下陳淑扣咁就過左一堂
(點解我上咩堂都係咁=  =)
之後就落去換衫上pe堂....又係羽毛球堂

之後就話同a班搵一pair人出黎雙打
第一team就我同明仔...大勝...
一round之後又到我地兩個
又係咁....之後明仔行開左...又冇人玩下一場
我就同陸帽搭...又係咁= =llll
唉...好冇癮...我都係想打波姐!!!!

之後完左就上返樓...我就係度睇書
點知有人話想播龍咁威2...我就開左部電腦準備播之際..
徐sir黎左...佢問邊個開ga...我又跟佢問返邊個開= =ll

之後佢搞完之後...部機就又要返系統pw....正pk= =lll
因為咁就好多人走左...之後得返我..呀頸..文擎..dripe同淑扣姐

之後冇耐拎左個波出黎踢...點知我有腳炒左...中左淑女姐個頭

佢就追殺我...我走到去班房門口...想開門個陣比佢一野推左埋牆(佢咁大隻....梗係超大力啦...)
搞到我膊頭撞左埋碌柱....爆痛...
之後因為停左係度比佢拉左落地下
仲比佢用我自已件冷衫笠個頭= =
仲比dripe同文擎搞....
當我起返身個陣....特登抄曬好正經咁整返好件衫
笑死佢地=  =ll

之後就開始粉刷同粉筆大戰....有一半時間都係我一個人力戰佢地3個
其間我互相中傷佢地令佢地反目成仇
最慘既就係...同dripe既決戰...dripe衡過黎拎住粉筆黎畫我
最後我頂唔順....捉住佢兩隻手...
但佢既攻勢...搞到我比佢騎住黎畫= =llll

最後既勝利梗係我啦...我自己勁少粉筆同粉擦印...係個書包比佢地.....=  =lll

之後就淑女姐落左去搵miss徐
咁我同dripe同文擎就玩真心話遊戲
佢第一句問我就係唔係鍾意過polly...
咁我話係...佢又問幾時開始幾時完
咁答完佢之後...都冇野啦...咁的確係完左ma...有假咩

但係佢其間問...乜真係話可以唔鐘意就唔鐘意既咩我都答唔係....
不過佢又點知我早排好down呢....xddd
算吧啦世侄女....

之後等埋佢地搵埋miss徐之後..都差唔多7點
點知顏sir岩岩走..就黎落樓梯個陣..問我份作文點=  =ll
搞錯呀...咁好記性ga=  =

之後落樓咁岩見到肥彭同佢條女岩岩溫完書落黎
而dripe佢地去食糖水又唔岩路
就同肥彭一齊行...點知佢同埋佢條女勁溫馨= =lll
shit....!!!!!!

橫掂而家都好似冇鍾意人....就唔理佢..專心讀書先啦

點知返到屋企...勁多人由msn..電話等唔同方法搵我...= =lll
唔知點講好- -