今日上左個網, 睇完之後..我好想哭!!我覺得個網d野係話緊自己!我真係唔係一個好好既仔女
一日到晚都只係知同阿媽拿錢.佢一鬧我,我就會勁大聲咁叫佢收聲!!睇完果d野我真係好後悔
為人仔女,竟然用這種態度對返父母!!
有時出去玩得好夜,我都唔會打個電話返屋企,明知咁樣阿媽會擔心,但我仍然咁做,只會覺得係
佢自己冇野搵野煩!!而家諗求都覺得自己係個衰人,唔配做人仔女!
最近阿媽身體出現問題,日日都要食藥物控制d病,但我由始至終都冇關心下佢,仲係成日咁去激
佢.我從不為佢著想,其實我知道自從老豆係我好細個果陣去世之後,你都冇一日好好咁過,再加埋
果陣時我經常病,我最記得老豆岩岩去世,你係咁喊,你驚我地失去父愛,雖然我得果6歲,我仲係好
記得ga.係老豆死左冇幾耐,我好驚你會離我地而去,真係好驚..再加埋有一次聽到姨媽勸你改嫁
話你得果20幾歲,唔好浪費係我地身上.我當時驚到係間房度喊,最後你都係留底照顧我地.我好
感謝媽媽你對我地既不離不棄,好感謝你對我地給予無限的關愛,好感謝你對我地給與無限寬恕
沒有你就不會有我,也很感謝你把我們放在心中的第一位,我答應你,我會好好讀書,找一份好的
工作,讓你可以開開心心過日子!!!
媽,我愛你!!!
不要將最貼心的人視為理所當然
【樹欲靜而風不止，子欲養而親不待也】
你可以上去睇下ga: http://www.garysir.com/share/parents.htm
