我地[樊]家嘅傳統:年年初二都必定會去觀塘5伯屋企食開年飯.

今年就打破傳統!!去葵涌大伯屋企食飯.到宜家我仲唔知尋晚果餐係開年飯定入伙飯... ...

一去到,大伯帶我地遊花園=.=,遊個商場遊咗半粒鐘,先去到佢屋企... ...

我同表哥佢地都極度無奈,我地又唔係係度住,你講完我地都唔記得咁多呢~~

大伯屋企好靚呀!!好鍾意個垃圾桶呀!!佢個垃圾桶係一個身材好得嘅女仔黎架!!企定定任你擲垃圾!!

我同d表哥表姐係度研究大伯買呢個"女仔"返黎,係唔係另有目的... ...講足笑足成個鐘

姑媽果d又話:讀書讀好d呀!!我地[樊]家冇一個女仔讀到大學架,你要爭氣d呀!!唔好俾男仔叻晒!!

我宜家先F.3,講大學D嘢.會唔會言之過早呀??呢D嘢隨遇而安,可能會好D.

之後,大伯攞咗副[魚蝦蟹]出黎俾我地d"小朋友"玩,另一面就係度開枱打麻雀.

由此觀之,我地[樊]家擁有優良嘅賭博血統.無一個唔識得賭^^

7點半落去海如酒樓開飯,一開飯... ...二姑同欣表姐就要走,二姑丈入咗院,希望佢冇事呢!!

之後,就係度食... ...三伯同我地係度玩,佢孝敬返我地轉頭... ...

佢係咁夾嘢俾我地食,又將d紅酒倒落去d汽水到... ...又將d餸落黎落去係度玩=.=''玩到10點幾就散場

返到去,11點幾... ...趙豬定唔知佢表哥打黎

同佢地傾到差唔多1點先訓... ...

都係趙豬表哥好人,趙豬正衰人!!