今日好唔開心囉....
話說今日...我喉嚨好痛....不過唔理啦....幾日了...
我...恩...爆肺...魔傑...4個出去左逸東m記食午餐...(因為魔傑提議去)
去到m記...魔仔 買完同我同爆肺買...
我買左脆辣雞腿包餐加大+巨無霸+板燒雞腿包...
4個人食食下...
恩以令人覺得有少少火既聲音問(邊個話黎m記架?!~)
我話算啦....爆肺都話算啦...
佢就係咁望住我同魔傑...(怒視中...)
魔傑就好唔份氣話(係我話既...咁又點...?!~)...
恩就以唔想嘈既態度講(冇事啦...)
魔傑就係到嘈...內容我唔記得=v=但都係嘈恩無啦啦話佢
魔傑又話(我講左可以食可以唔食喎)
我同爆肺都唔想嘈....話曬佢兩個一場同學...無謂打仗...
之後我拉左爆肺去洗手間...
我問左爆肺d野....傾左兩句....
搞掂後魔傑就話去買d野先....轉頭黎7仔搵我地....因為爆肺要去7仔...
我飲緊可樂....恩無啦啦話佢唔開心就整我隻手....搞到我差d嘔可樂=3=
不過好小事姐...話曬佢唔開心....心諗唔緊要啦...
我就同佢講(下次整前講聲...飲緊野架...)=v=
之後問佢咩事唔開心....佢就係咁講(冇事!!!)~~由把聲聽得出佢火緊...
咁我問多兩三次....佢就就問我(咩丫....!!)...仲要係聽得出佢覺我煩+嬲緊我...
ok....我就同佢講...(咁我唔煩你了...)
佢就買左朱古力....
爆肺見到就問我(你比佢買咩...)
我話(佢唔知做咩勁火...由佢...)
咁我行行下....我都開始燙....
所以我同左爆肺講聲我早退就搭E31回家了...
講真...我食3個包姐....薯條我起碼半包冇食...最多咪飲可樂...
佢唔洗燙到咁嘛.....
我知佢係怕我身體有事....
但係....冇咩必要去到嘈既個地步囉....
仲有....佢買朱古力我已唔出聲....因為我都有食薯條嘛...
ok啦...但都唔洗咁對人嘛...
差唔多依傢班上我班人入面又份左3派...

以邦為首...N73...魔傑...                 ←唔鋸恩的一派
以我為首...灰姑娘...將軍...爆肺...     ←持中立的一派
以恩為首...                                   ←唔鋸邦的一派

我知.....
邦佢地同恩係睇在我份上.....所以好多野都唔同對方佢地嘈....
但...點解一定要嘈?!~
每次見到佢地嘈....我總覺自己好難做....
因為我好多時都係夾係中間....
明明全部圍內人.....但點解都可以嘈成咁...?!~
雖然...我係學校都談不上什麼出名/突出的學生...
但最少...我係我班人入面....都可算屬較重要的一個...
連默書都要我幫佢地默埋囉=v=...
好地地七兄弟.....唔通....只係加多左恩.....
一個女生就足以令到我地內亂嗎...?!~