我唯一一次真真正正接觸到汪校長係係ocamp入面
講真 個campsite唔至係元朗咁簡單 位置仲要偏僻到同山區無咩分別
你要一個大人物紓尊降貴黎呢d咁既地方
為既只係講個個幾鐘既野 同學生食個一餐既飯 已經唔簡單
汪校長食完飯仲要不忘同freshmen傾計
期間佢走黎問我...
汪校長: 你讀邊課架
我: BBA
汪校長: 咩major呀?
我: 未諗好呀
汪校長: 哦 唔洗咁驚 仲有2年時間比你慢慢諗;)
雖然個一刻我知道佢誤會左我係其中一個freshmen
但我真係感受到佢對學生既關心
個陣sem都未開始 佢已經係道問緊d freshmen有d咩野需要 有D咩野要求

唔知有冇人發現汪校長好似成日都無處不在咁
係canteen食lunch見到佢 等lift搭lift又見到佢 去pcc買野食又會見到佢
點解佢明明可以出去出面食d更加好既lunch 但佢會揀留係canteen(?)
點解佢有staff lift唔用 要同學生一齊等lift搭lift(?)
除左係為左同教職員同學生有更多接觸交流之外 我諗唔到第2個原因

某一日搭lift 聽到有同學話13樓比人痴到成個靈堂咁
又有同學問點解有d紙淨係得字無圖 係咪因為想用少d墨呀(?)
可能你地會覺得痴紙既呢班同學好無聊 好無謂
但係你地又有冇諗過點解呢一班人寧願犧牲自己溫書既時間
去做呢一堆比人覺得係「無聊」、「多餘」既野(?)

今日聽到校長知道自己要離任 所擔憂既唔係佢自己份工
而係佢帶過黎既教職員同學校學生既將來
個一刻真係有D心up 平時聽人講「校長咩都放學生係第1」就聽得多
但今日聽到好多好多既真實例子之後 我知道This is ture.

如果汪校長離開 黎緊1月1日會由邊個黎擔大旗(?)
到時TWC會唔會變成一個群龍無首既地方(?)
校委會會唔會因為搵唔到合適既人 而是旦塞個自己人黎做(?)
新任既校長又會係一個點既人(?)
呢一堆既問題邊個答到我(?)

如果咁都比D惡人邪計得逞 咁呢個世界就真係好恐怖啦(!)

**PS: 我都唔知自己講緊D咩野 純粹有感而發 [完]