今日番過龍 仲要比部iphone fake左
個鍾遲左3個字既 我頂=______=
整野出門口 買左個蛋糕食算
之後等車 無車 有d驚會遲到 但係又唔係好緊張咁
番到學校都無老師捉
講真 依家根本唔洗早3個字
無人 自己企埋左一邊 之後呢左入廁所打機-.-''

聽到老師聲先出番黎 上堂
人際關係 又係抽象既一課
Paul sir話靠哂我 話我係呢班算係最掂個個
-.-我都唔知呢句野會拎到我更加努力呀
定係令到我更加大壓力呢 哈
IES 我真係唔知做過d咩黎lu 過去的由佢過去吧

上完個半鍾磺就放學
好采唔洗好似Econ咁日日上3個鍾姐
唔係既話我一定死左 眼訓~[]~
坐車番屋企 成日都好想見到個個癩婆
好想睇到有人嘈佢 哈哈

唔買lunch lu 好想番屋企訓教
點知番到去又慣性開左電腦
之後又好毒咁玩勁舞- .-''
係我既技術真係技不如人 係網吧-6呀
定係真係我部機既問題呢~3~?是旦啦

粒b 6點幾7點打黎同我講笑話-.-
聽得明一d 聽唔明一d 囧
但係你要令一個精神上應該已經好累既人笑
都真係幾難下=______=''
之後我話食飯 粒b就好無癮 一野cut左我線
認真 個一刻我炆炆地

食飯 比我想像中食得少
之後入番房對住部電腦
突然覺得自己無所事事 成身好累唔想郁咁
之後聽粒b開台 但係講極野都好似無人睇到咁 燥
全晚都好鬼死燥底 又有人因為係呢個時候野到我而比我鬧啦
我都唔知話你罪有應得 定係黑仔
慘在我既脾氣發泌埋係屋企人道;(

有一刻有個衝動一教訓天光
因為呢個係令到我所有脾氣消取既方法黎
之後就係道幫肥媽整公司d野
好耐無試過真係累到好眼訓 隻眼好痛流哂眼水既感覺
一道做 一道諗埋d唔開心既野 唉
----------------------------------------------------------------------

我都估到你會訓著左 唔會打比我
今日又係道諗我係你心入面既地位係邊
想知答案但係唔敢去知 你一定會覺得我好煩
係唔少人心入面 我係一個好女仔
但係有時自己知自己事 我係一個好難搞既女仔
連我自己都唔知自己心入面想點
我可以好憎一個人 但係都可以笑口西西咁對住佢
我亦都可以人地無得罪過我而我會對佢恨之入骨
甚至可以肯定佢消失左係呢個世界我都唔會有任何一刻既心痛
我發覺我呷既醋係無了期 可以隔左好耐都仲呷緊
我同你一樣都係追求完美 亦都好想自己既另一半係完美
但係我心入面又知道世上係無完美既人 真係矛盾
我比你更難搞既係 我係一個神經質既處女座
一個神經質仲要追求完美既人 真係好麻煩
可能唔夠一分鍾成個態度就會改變 仲要係無原因個隻
可能有唔少因素係因為呢樣野
而令到到依家都無一個完完全全了解我諗法既人
我外表好似乜都好隨便 但係內心就複雜到無辦法去理解
就連我自己今曰仲咩咁down我都唔清楚 可能係生理 可能係心理
其實我唔知由幾時開始已經變得愈黎愈悲/__\
有邊個可以搵番以前個個乜都諗得好美好既周凱盈番黎比我??