其實我番左屋企無1個鍾
有時都覺得自己幾曳
為左自己 而令到屋企人唔開心

琴晚5:30先番到屋企
我諗係我第1次咁遲先番到
今日2點先起身 係張床碌下碌下
媽子就話今日打邊爐 oh~
係道睇校刊 係道hea 5點同周小麟去買送
其實我真係覺得自己有呢個煮飯婆既風範
超神奇有人會sms我 十分的驚訝
可惜既係 我真係唔識安慰佢 哄佢 唉

打完邊爐出荃灣等HMK黎拎禮物
好無聊咁行黎行去 係咁同江小姐傾電話
突然好想好想食甜野 但係又無可能叫隻蠟筆小新出黎架ma
雖然我覺得佢一定會出 算數吧
去左買壽司 去左買乳酪
自己坐左係道開大食會咁= =哈
買奶茶 之後行去悅來個邊搵HMK同肥B

自己一個傻下傻下係個悅來道行黎行去
仲差D一野仆左係地下 囧
行下行下就見到佢地=v=有我唔識既人 唔出聲好了
本小姐害怕陌生人 送佢地去坐車
行番去city t我係呢個荃灣兜左一個圈
隻腳累到... shit~

肥b番屋企洗頭 同HMK係樓下等
凍到死死下 多謝HMK比埋件褸我
係道聽歌 係道食古古力
區文同呀龍黎埋 4條友仔係道呆
我所有保暖既寶唄比呀龍拎走哂- ,-
等左好耐 肥B鍾意落去 打的去呀瑩屋企
個的士司機好gag-v-係咁請野我食
我發覺同你地出咁多次街
次次都會有d怪事發生係我身上
上次平安夜有個死黑人撞我
踩單車無啦啦有人問我form幾
到依家係道同個的士司機交換野食 呵
講真 我真係有d想問佢可唔可以唔收我錢X)
上到呀瑩屋企 其實我好羨慕佢屋企無人 可以作下反
打牌 1:30閃人 打的兜HMK 區文 呀龍回家
番到屋企 食當歸蛋=V=''無啦啦多左個宵夜

開心 HMK先生鍾意份生日禮物
你係第1個朋友仔收到我織既頸巾
你黎緊呢一年行運架啦 哈哈哈哈
------------------------------------------------------------------
我呢一刻好似完成左我既心願咁
個封信佢睇唔睇到好似已經唔重要
我已經將我所有既心意 所有想講既說話 送哂 講哂出去
你知道得幾多 一切就交比個天去決定
個一封信會唔會暴光 都係交比個天去決定
好似少左個包袱 我唔知我下一刻會有咩感覺
但係呢一刻我係輕鬆左 只要你開心 我就開心 就係咁簡單

我知我係你心入面唔係D咩重要既人
我亦都諗過點解我會對你有種咁特別既感覺
可惜我自己都比唔到答案自己
個種既感覺就係咁神奇 咁奇妙
我諗我可以做既已經做哂 正如我琴晚所講
我知你知我諗緊咩 但係你無動於衷 我仲可以點

[我知我呢一刻諗得通 下一刻又會亂黎 但係我慶幸我曾經諗通過]

我發現次次想爭取既野都唔會得到:( so sad.