24-05-2014 至 27-05-2014 Taiwan Trip

Day 1 

開頭係咁諗要自己一個坐飛機既時候真係好擔心
但可能經歷過幾日既事之後 我覺得呢一切都只不過係微不足道

一道坐飛機一道諗會唔會係天空見到親愛既麻麻
係飛機個窗口睇天空d雲真係好令
就算要我零晨5:40起身劃位都係值得
當係睇返臭臭們前幾日睇到既羊羊啦
我由香港既白雪雪雲睇住佢變左去台灣既灰灰雲
但我發現對面既窗位有得睇手落 sad左
如果有機會既話 我會識得劃個睇到日落既位架啦

好無聊 一落機好辛苦咁搵到出口 結果比人叫我行返去個出閘道影相
2位街坊look既臭臭 你地其實係機場等左幾耐呀(?)
係咪好掛住我呢 我一出現你地就咁興奮 我知你地無左我唔得架啦 呵
對捷運有點兒恐懼 我仲發現江子翠同酒店個西門站只不過係隔2個站
而開始斬人個個站其實只不過係係隔離 諗諗下心都寒埋 

點解我個接機小組會少左個人既 為左玩唔理我啦 sosad
台灣第1餐 係西門町夜市買野食返酒店 不忘要買奶茶


Day 2

好一個失眠夜 痴住左舊啤但真係訓唔著

5點幾起左身影街境 但有人竟然仲未訓黎 結果係因為飲醉酒
好過份囉 6點先蒲頭 仲要一返到黎就發癩啦
唯有將2日既行程調轉啦 食完早餐去台北地下街遊
其實個個氣味博物館同埋d化為都好吸引
臨時加插左個活動去花博  曬到hihi咁
之後去左食咖啡弄 個道d人又令仔又令女
唔怪得吸引到咁多人黎幫襯啦

淡水 睇日落 係架公車道睇住個太陽愈黎愈低 幾驚睇唔到呀
情人橋d風景真係好令 我諗我身邊有2個FF緊同自己BB黎呢道

搭船出淡水老街 結果因為肚痛所以我全程都無咩心情
但依然買左好多野返黎 點解個道d黑糖如可以抵成咁
隻眼完全發光囉 完全接受唔到 係香港既一半價錢
遺憾地 因為肚痛所以無係個道買明信片 

Day 3

琴日行到腳跛 今日勁慢咁享受早餐
結果遲左離開酒店 諗住去到火車閘口仲有1分鐘 應該趕到班車
結果因為唔識買飛走左車 仲蠢左咁買左張去花蓮既飛

鐵路呀姨話我地買貴左10倍 有d心痛 但係又覺得呢張野好有記念價值
之後呀姨話有架中間車可以坐去瑞芳 比我search到既第2班車仲要早
結果原來架車站站停 就係咁我地miss左第2班瑞芳既車
係八堵呆左成個鍾等平溪線車 幾經辛苦終於去到猴桐

d 喵喵真係好可愛 但係有d比人摸有d唔比
但去完之後 我發現最可愛都係我屋企個隻
事關呢道個d隻隻都好瘦 我個人比較鍾意肥嘟嘟既多d
由於太曬同埋好似無咩特別野想睇 所以就趕早一班車去第2個站
用左10分鍾既時間去買明信片同手信 

黎到十分 第1時間係係路軌道影相 呢道其實都唔係想像中咁大
可能係因為出名既十分爆布黎呢道太遠啦
就算坐電車係5分鍾 但係就要成300蚊台幣 所以我地最後都係放棄左
係吊橋上面發現D許願竹寫D野好正 「中出即飛世界」
勁多人係道放天燈 而我地就決定去到平溪or菁桐先放
行緊返火車站既時候 發現有間豬肉紙幾好食
掃貸啦 結果又再一次要跑去車站


平溪唔可以話無野行 只可以話係無鋪頭開
由街頭行到去街尾 之後再係火車站對面決定係呢道放天燈
10分鍾既時間 啤啤同Norjai快速寫好自己個面
之後放天燈 望住架車停左係站道真係有點oh shit既感覺
望完個天燈飛上去 就衝去拎野跑上火車 就係咁
我地一日內第4次既追車行動誕生左

菁桐 平溪線既尾站 呢道條情人橋真係有點兒悶
睇完就去左精品店掃明信片 同d許願竹影相既時候
鋪頭個呀姐好熱心咁教我地擺pose影相
(呢一刻我仲等緊d相post出黎...)
影影下落雨 呀姐就介紹我地去隔離間野食清冰 勁涼 正

但真係勁大碗 結果都要轉外賣再冒住毛毛雨咁去火車站趕車
諗返都覺得全日好充實 係咁趕車係咁chur可能就係自由行既樂趣
聽佢地講 我唔係道個幾日佢地有幾日好hea咁 但因為我得3日既時間
所以我要係呢3日去哂我想去既地方 真係辛苦哂
check飛發現比人lock左張悠遊卡 去到八堵用僅有既10分鍾去解卡
再趕車出返台北 最後我係架車講左句
「我地唔洗再追車啦 台北d捷運好多車架」

去劍潭掃手信 我知我係買得好瘋狂 我知你地覺得我好豪架啦
但難得去旅行 仲要係散心之旅

shopping永遠都係女仔最減壓最開心既活動
你地准許我放任一次吧
3個人掃左8袋野 (啤啤無野需要掃)
2個人拎8袋野返酒店 另外2個去頂好繼續掃

沖完個涼同我d令令既手信影返張大合照

都唔算好誇張姐 係咪先 我都無買到護膚品個d 

但有野癲到去掃左27枝野飲返黎囉 (事後我發現佢係未試飲過)
我真係好好奇你點樣帶佢地返香港=_____=

最後一日就緊係要趕明信片架啦 有比地址既我都寫左架啦
希望你地收到會鍾意啦 希望我無寄失啦
同埋我真係得1日時間寫咋 如果寫得少既唔好怪我;'(

亂到喊既房-.-(其實第1日入酒店已經係咁亂架啦 陰公)

好野 你地真係有係台中買手信比我 感動萬分Q___Q

norjai既手信 比啤啤掉哂過黎 我點樣訓呢= ,=?真係好癲囉救命
你唔汁好你d野你唔洗旨意可以訓呀
我唔要第2日朝早等你汁完野先出得門口呀;@

Good night(!) [重點: 身後既手信堆]

Day 4 

Last Day in Taipei...
勁攰勁眼訓 搞到我都賴左10分鍾既床
呆下呆下咁整野 整到成9點2先去食早餐
我真係唔明點解依間酒店個早餐淨係去到9點半:@

同啤子2個人去拎4個人分量既早餐 人地唔知真係以為我地咁大食
結果幫佢地拎完 佢地自己又再拎過 真係作死你地

今日第1個活動係去拜月老 但途經郵局又點可以唔去買郵票寄明信片呢
寄咁多張189數台幣 都唔係好貴姐 係咪先?.?

係西門行錯方向 再去錯廟 有人仲要一個鍾頭內中左2次既雀屎
笑到我kaka聲 月老比你既考驗呀
我地竟然由西門搵月老搵到去台北站
呢條紅線真係得來不易呀 
最後去左地下街睇野 終於買到28號既禮物
預早左返酒店 個道d職員話我地咁多人
坐的士同坐公車既價錢又差唔多 仲要拖坐12個行李 不如坐的士啦
結果我地就坐左係酒店hea 等的士 比下時間norjai寫postcards
酒店職員仲好好人咁搵紙箱比我地pack手信做hand carry
但我最後用左黎做寄倉XD

去到機場要等6點先可以check in
無野做去磅下有冇超重 結束20kg超左1,2 kg 
重新pack過d寄倉行李 幾經辛苦pack到19.6kg出黎
一個喼一個紙箱差唔多啦 有人個喼25kg囉 點做到架
仲要2袋hand carry 一袋都已經接近10kg 傻的嗎..(?)

再一次窗口位 隔離係一個黑人 我終於肯係飛機道開手機
一道食飛機餐一道睇OP 正
我發覺隔離條友係咁默默地偷睇我個路飛

第1次覺得香港咁令 係高空隔住d雲欣賞真係另一有一番體會

感謝娘親大人黎接機 今次既台灣之旅咁就完左
我仲好想去墾丁 台南同台中 仲有好多地方想去
去旅行真係好正 以前既我一定打死都要呢埋係屋企
要努力返工搵錢錢 去更多更多既地方先得啦

感謝臭臭們肯同我chur足3日 我知真係好辛苦架
會跑到腳斷 行到腳跛 仲要睇住我呢個大細路 love you~