琴晚諗住叫樹熊6:45叫我起身,
點知佢7:45先叫我起身,因為佢都係岩岩先起身
我地成班人諗住8:30係金鐘地鐵站等
但係我地7:45先起身,一定趕唔切啦...
跟住我地即刻打比李昌澤，點知佢仲係到打機..= ="
8點幾,同樹熊,David一齊搭107去海洋公園(冇去到金鐘)
我地9點幾去到,點知李昌澤佢地係另外一邊個個門口
要等佢地黎,我地先有飛入場,等左差唔多30min佢地先到
入到去,就去搭纜車,勁驚,全程都捉實條柱,唔望下面..><"
到左,我係第一個衝落車ge...hehe...
跟住去玩滑浪飛船,我,樹熊,David,林x一齊坐同一架船
沖落黎個下,全身濕曬+笑到kai左...^^"
跟住行下行下,去左食野,唉...$40一份4寶飯><"
食完野,去左行水母館,d水母超令呀!!!
跟住去左行海洋館,一直都期待緊隻魔鬼魚飄過黎,因為要影相..^^''
睇完之後,就去左海盜船下面等林x,許志勇佢地玩海盜船
樹熊就因為冇人陪佢玩就唔玩,其他人就全部淆底..hehe..
玩完之後,去左玩飛天鞦韆,好好反呀!!哈哈......^^"
跟住樹熊同林x去左玩過山車,其他人又淆底...
玩完之後,落到黎,佢地竟然話轉得哥兩個圈,唔好玩wo..= ="
之後我地5個人去左玩海盜船(個李昌澤又淆底><")
玩個陣,我同david係到狂大嗌,樹熊狂係到笑,林x係到同樹熊傾計,
許志勇坐得勁直,仲直過上堂.....好似得我最驚咁...= ="
跟住去左玩多次滑浪飛船,得我同樹熊一架船,
沖落黎個下,係到大嗌:ar bu lu bu..,冇咩點濕到..^^"
David,林x,許志勇玩到成身濕曬,勁好笑....哈哈....
跟住去左韻李昌澤,因為我地玩飛船ge同時,佢去左排隊入冰雕,
我地去到個陣,佢就黎入得,點知個職員比我地插隊...hehe..^^"
入面勁,不過d冰好令!!!^0^"
跟住去左同聖誕老人影相,仲買左張相..好令呀..哈哈..
冇幾耐,就搭車番土瓜灣,同樹熊去左食美心
7點幾就番左屋企lu~ |