今日我一早就同陳弘哲去答八點五十六分番英皇玩，勁好玩喎！最衰我唔係同陳弘哲一組！我地喺度玩，玩，玩...玩到十點二，我地就分組去食野，我地果組由一個唔係prefect嘅人帶我地去食野，去左一間食台灣野嘅野食野！我地其中有一個嘅英文差到可以將一句起碼三十字嘅句子只係識讀四個，唔知佢點入英皇呢！？果個帶我地去食野果個人話左比我地聽佢唔係prefect之後，有人問佢：咁點解你要黎帶我地啊？我就話：節墮lo！跟著佢話：無錯！真係笑死人！

   跟著一點三我地就番去玩，又係咁玩，玩，班...就玩到四點三，走人lu！我就同我媽子去左買鞋，跟著就去左做公民數果啲測驗，佢比一個鍾我做，但係我二十分鍾做完，佢話我勁啊！不過，唔使佢講我都知啦！ｈａｈａ！

　做完之後我就去九龍塘運吉！跟著喺球場終於比我見到「蕉」思慕想嘅佢，但係我一啲開心嘅感覺都冇，只係同平時一樣！我係唔使打比賽嘅，所以我話我係去運吉！跟著熙熙（陸朗熙）打比賽果陣，朗朗（我）、之之（姜獻之）同迎迎（姜愷迎）就係上面睇，當熙熙開失波果陣，佢就會嗌「哎喲！」跟著我同之之同迎迎就會嗌「噢！」如果熙熙嗌「噢！」我地就會嗌「哎喲！」跟著有一球熙熙打失左，我就係度扮唔係我，然後我就話：「熙熙！加油啊！我支持你！」跟著佢望上黎，好彩我閃得快，佢見我唔到！跟著又有一次我地嗌「哎喲！」佢就望上黎，然後話：「收嗲啦！」跟著我地係度笑（好似一班白痴少年咁！）跟著熙熙有一球係右邊開，然後我同之之同迎迎講：「衣球會係一球ａ屎波，然後佢係左邊開果陣，佢會凹，跟著會ｏｕｔ！」跟著結果就．．．

　結果同我估計一樣，然後我地又好似白痴少年咁傻笑，跟著連球証都笑埋一份！熙熙第三局輸左，然後我同之之就落去搵佢，諗著比佢鬧，點知佢唔鬧，重笑埋一份，笑爆！佢第四局贏左，跟著就贏左個比賽，然後佢就上黎搵我同之之，佢就話：「你個屎忽鬼，嘈乜野啊！？」跟著我地就係度笑！（又好似白痴！）

　熙熙打完之後，就到之之同迎迎打，佢地打完之後，我打就打三隻角！打到八點半，之之同迎迎就走左，然後我、均均（劉子均）、暉暉（何焌暉）同一個唔知乜名但係好勁嘅人繼續打！到咁上下，連均均同暉暉都走埋，得番果個好勁但係唔知乜名嘅人打，打到九點半，我地重想打，但係個啊嬸話要收場！無奈囉！