今日訓到5點幾被呀爸吵醒左,如果唔係可以再訓耐d,琴日同肥峰,呀john,同amy,重

有兩隻怪獸上中山,因為琴日係amy生日,第一次同d fd去咁遠玩,除左畢業旅行,我地一去到就

去行街,d女仔就係到睇3,跟著去食尤魚,因為我驚生非之同暗瘡所以無食到,跟著由於裝尤魚

個袋穿左,所以我地走哂入去廁所到食,我都係第一次見人係廁所食野,場面有d奇怪,食完尤魚,

我地就去左一間叫雪山既餐廳到食中午,間野都幾好,冷氣有夠,野食都幾好,價錢都好ok,食完

我地就去左一間叫唐朝既k場到唱k,之前果兩隻怪獸係到講話要夠18歲先入得去唱k,點知去

到都無人查我地證,重好好態度咁招呼我地,我地由兩點唱到8點,唱左6個鍾,真係咩歌都唱哂,

由於果到我地搵唔到生日歌,所以大家一齊唱左首生日歌比amy,依首生日歌有英文版,中文版

同韓國版,依首生日歌都係我第一次聽...跟著唱完我地就去左車站到睇下重有無車搭返去,點

知果個車站話最後一班已經走左,跟著肥峰佢地又去錯左車站,過幾左半個鍾到我地終於搵到

有個車站有車返到去拱北,真係好彩,搭左個幾鍾車程,我地終於返到拱北,返到去我地就係地下

商場食野,係一間係食日本野既店到食,個名叫大和,千其唔好去呀,又唔好食又貴又等得耐wo,

呀john叫左個地獄拉面,點知佢食完真係落左地獄,碗野真係唔係人食,辣到都唔係人食嫁,過

左d辣油,呀john終於食返啦,食野果陴果兩隻怪獸又係到黑我地話11點半就過唔到關,點知都

唔係,我地幾經辛苦終於返澳門,跟著我同肥峰搭巴士返去,返到屋企沖涼,由於實在太累沖完涼

又訓左lu....

          總結黎講,今次中山之旅都幾好玩嫁,希望依d旅行搞多d啦,話咁快就快要返學lu,今年果

班都識到好多好好既朋友,希望今年都會識多d啦,雖然今年識既人都係哂唔同既班到,不過我

都唔會忘記你地,因為你地永遠都係我既朋友...

                           係依到同返amy講返聲"生日快樂"