1月7日 陰

   今日7點5起左身,可能琴日訓得太多,所以早左起身,七點8出門口,今日既天氣唔係好凍,天氣又開始暖返…

   今日上既堂都非常舒服,因為有好多堂都可以訓教,kaka…..今日全日都差唔多係課室到,因為係到溫三角,d三角睇落去好簡單但係做落去好難,不過今日既三角測驗好釆有我隔離位幫我,所以識做哂…真係要請肥君食宵夜先得啦!!!

   聽日要測數學,唔溫啦,聽日叫肥君哥哥教我,d數學真係難,點睇都係唔明,真係唔明d人點發明數學出黎,又唔知學依d數學有咩用……學加,減,乘,除都話有用…..解方程依d就真係唔知係邊到先用到….

   今日桐話想同明同嵐養倉鼠,叫我夾錢,本人覺得倉鼠同老鼠都係一樣,所以唔夾錢,養貓狗都話可以姐,老鼠真係唔得….

   聽日要係學校食飯,已經好耐無係學校食飯啦…因為個個星期二都放假,唔知點解突然好想係學校食飯,覺得學校食飯好舒服…

   今日明講我知,星期六11班挑10班籃球,唉,我班d人唔知win唔win到呢??人地身高咁高,真係唔知點打,祝我班好運啦!!!!

   好想快d測哂d驗,咁我就可以有時間去溫習啦!!!!!

                                             我認   我喜歡你?.
                               .但可笑的是 *!   ■﹏` 你愛的是他,,