好耐都未打過日記啦..今日打返...講返上個星期,

我地有三日假,第一日係星期六由於太凍留左係屋企同人傾電話

咁過,傾到1點幾就去左訓教教,因為第二日去左九澳,中午3點出

發,係澳門運動場到等15號巴士,因為得一架十五號係去九澳,不

過我地由於等得太耐所以去黑沙再坐的士入九澳,係雷明道小學

到落車,跟著我地就周圍行,估唔到比我地搵到九澳老人院,同埋九

澳燈塔,不過個九澳燈塔同松山果個燈塔好大分別,跟著我地去左

懸崖果邊睇風景,風景唔係幾好,因為陰陰地天,如果有埋太陽伯伯

既照耀,咁就正啦,係果到睇到飛機起飛同降落,大既15分鍾就有一

架飛機睇,不過我地由於第一次去,所以搵唔到蝙蝠洞,不過今個星

期六再去過,今次一定要搵到傳聞中既蝙蝠洞...跟著星期一我就去

左我地班搞既唱k,係neway到唱,都幾好,我地唱完就去快子基到食

飯飯,食完飯就返屋企啦...

                             今個星期都唔知話開心好定唔開心好,派左幾科測

驗,成績都ok,不過星期三既立幾,就死左,重要係死得好慘,我都未做

過咁無把握既卷,真係30分都唔知囉唔囉到,跟著學校又將考試推前

左,重有兩個星期就要考第三段既試啦,第三段過得真係快,貶下眼就

要面對第四段....唉....不過都有開心既野,開心既野就係今個星期無咩

大測,可以好好地抖下,抖完就要應付一個星期既考試...

                                講返今日,朝早天氣都幾好,重可以睇陽光,不過一到

下午就開始風雲變色,可能今日係黑色星期五,果然好黑,d人一講完今日

係黑色星期五,我就整襯左隻左手,好鬼痛...果然係黑色星期五呀!!!

                                 今日放學果陴,天氣變得非常差,又大風又凍,大家聽

日記得要著多件3啦....唔好凍襯呀!!!^^