年年年尾都係咁過,,,, 都冇咩特別啦.....
都係回想返29,30號去camp仲好啦....xD
朝早補完習，返屋企食埋飯，就將淨返既少少野執落個背狼度(係狼呀，我個袋係Mountain Wolf~~)
執到火都黎
個睡袋同個四人營加埋個Cookset就已經佔左個袋既9 成.....
最後決定手拎個巨營
我地plan去長咀camp, 要係北潭坳行入去，行成3粒幾鐘,,,, 入西貢東就照舊係麥邊轉車啦@
入到北潭坳， 落大雨，我就冇上校戰衣啦,,, 淨係得件抖蓬,, 但係好焗..........
落到赤徑，都行左成半個幾鐘，算快(以我地平均每人負重60公斤)，但係好攰
最後，我地決定營地地點為咸田灣，又睇到日出，又有士多補給。況且冇人去過長咀，唔知咩環境，係咁大雨同負重60公斤之下唔適宜去長咀。
•赤徑
過左赤徑，之後既路段非常艱苦(對我地黎講xDD), 我地行十分鐘停十五分鐘, 慢慢爬上大浪坳。
•大浪坳大休﹗
大休完後，就慢慢行落咸田灣... 沿路見到去大灣既路，但係...都係去咸田灣啦....
到沙灘當然要搵營地啦。
咸田灣唔係漁濃處合法營地，不過冇所謂啦... 上次我係大灘馬路邊紮營都係咁啦
講真，做得郊野公園巡邏員部分都係自己友黎啦...
如果真係咁唔好彩，第一件事記得拆左兩支營棍就ok. 前提係要係佢用相機影到之前
佢地淨係會捉建築物，冇營棍既營係建築物咩?????? 但我唔排除佢會捉你亂拋垃圾....:D
•我地個營陣
紮完營後，我出左海邊影相, 始終覺得西貢四灣係全港最靚既地方，可惜冇乜特別, 係影黎影去都係得個海同d沙......
行左一陣，個天開始黑，個頭仲開始痛ar!!! 可能吹左陣海風...
係個營度訓左一陣，7點鐘左右就開始煮野食。
出面有少少雨，又唔想係個營入面煮野食(其係係唔應該, 好危險) , 於是去士多度借位
個阿伯好nice, 比我地係度打邊爐，果然鄉村人同城市人有好大分別.....
幫佢宣傳下啦—海風士多
•咸田灣海風士多
•你試過露營有電視睇未!!??
頭開始痛，食到一大半已經冇胃口食，洗埋d野返個營度食朱古力補充能量:)
同佢地玩左二個鐘頭牌，張求生氈用左黎當地蓆用,...,..,..
越玩就越焗，個頭好痛，最後返左自己個營度訓。
用個背狼做枕頭，好硬....訓唔到
之後拎左件抖蓬出黎，當枕頭勁舒服~~~~ 唯獨個營落左fly好焗.......
•夜間一攝
去到唔知幾點，佢地要借用我個四人營打牌，趕左我去第二個營度訓xDD
第二個營超舒服，一覺訓天光~~~~ 頭都冇咩點痛.
Z..z..
第二朝起身已經係0652, 個天開始光，但係睇唔到日出=.= 冇計, 落大雨
•落雨 (唔係以唯係落雪~)
佢地仲未起身，咁我就又出海邊影相, 放心, 我有帶郭Sir帽出去~
•見唔到條分界線?? 潮漲可以去到果度﹗
等到9點幾，佢地起身la=]
又係去阿伯度煮野食~~
•咸田灣特色—獨木橋
好心政府起少條港珠澳大橋黎整好少少呢條橋啦... 拎住咁多野過橋果陣幾驚d野行下水禮...
食完野，都知道趕唔到1200西灣亭開既村巴，執埋d理，就係沙灘度畫沙寫字
•某人寫既野~ (18+)
•喂唔好沖散呀..!!!!!!!!!
玩左一陣，12點23分離開咸田灣。
咸田過西灣我地都行左成個鐘，不過個背狼輕左少少，就係2L水同支Gas
到西灣，梗係剷捷徑落沙灘啦^^
Lunch係西灣KO左,, 40蚊碟飯... 但係都預左
可能肚餓，所以碟飯覺得超好食~~
食完，死亡路段黎了
上吹筒坳條斜路真係攞命
但好快就上完
過左吹筒坳，行埋最後1公里, 到西灣亭。
我地抵步時間係1525, 但村巴開出時間為1645....
我地就係到玩UNO打發時間~
夠鐘就上車走人
•二揀一
今次去camp有好大得著, d細既教識左我好多野, 係真!
起碼我承認自己既裝備真係不足, 新年要好好入貨先得 (如果有錢)
今次帶埋腳架玩連拍，試下整動畫~ 但有d郁左少少...
 •攝於赤徑
  
•攝於咸田灣
我唔再up相上Qooza, 好sin時間
我影d相幅幅都2Mb(高解晰度, 美唔美麗就問tvb啦)
每round Qooza淨係可以up 30幅, 好麻煩...
Qooza我當係行山紀錄既虛擬旅程算啦...
要睇相就去MSN Spaces度睇啦...
有埋片睇
www.oxfamleolam.spaces.live.com
|
