久別左年半既野外定向活動~~
最後一次應該係考到lv3 張cert果次，跑到小小中暑
仲記得我係尖東站到嘔檸檬茶....;)

晨早去到荃灣等人...sorry呀..遲左3分鐘....
小巴士到青龍頭，沿龍如路行上Event Center.
圓墩之前玩過一次，果次仲 要自己圈圖~!! (屬會訓練)

今次跑奪分式，即係要係有限時間內拎到最高分，越難搵同越遠既points就最高分
從投野外定向，心情興奮。
12點15分，Mass Start
每個控制點(俗稱燈籠)都影左幅相留念~~~  或者當係電子控制卡同備份標簽同時失效既證據啦.... 如果接受**

•去起點既路

•17號Point, 今日第一個CP. 要勁爆上山
過左17號，諗住去16號Point,IOF話係山坳果度，冇路去，唯有剷落去。
剷左一陣都搵唔到，三十六計走人

•15號Point, 路邊

•14號Point, 係好遠已經見到啦=]
落到分叉口，Set Map錯左，行錯左一小段仔路。
直到見到一個錯誤既Attack Point, 就即刻醒水回頭啦@

•8號Point

•9號Point

•10號Point

•11號Point, 係個沿澤入面，沿澤d泥會'juet'實你隻腳,,好過隱xxD 
   最記得白石橋既沿澤~~   睇住D牛行得好開心，自己隻腳就juet實左, 有小小下沉既感覺

•12號Point

•個墳係我去12號Point既Attack Point (後面個Point唔係我ge)

•13號point,  冇數步，自己嚇自己以為過左龍

•16號Point,  由呢邊剷過去好好多，係正條彩帶隔離，一望就望到  早知一早就唔剷啦..... 蝕左成10幾分鐘
  呢個Point亦都係越野式既最後一個point, 之後佢地要沿彩帶上終點

•18號

•19號

 
•20號，送分既
經過終點，見仲有10分鐘時間，就拼盡老命跑上長命斜打埋21號Point,  20分呀!!

•21號
最後4分鐘，以我一生中有史以來最快既速度look落終點
差1分鐘就要扣分, 好險.....
有個賽員捐個條彩帶打Finish, 結果當場比人DQ左,,,, 可憐...

係賽事中心download埋成績，就落左深井食燒鵝.........飯,正!
跟住去荃灣做冬食晚食，又係烚下烚下ar..... 連續兩晚烚下烚下，烚到個人都烚下烚下....

•相信係全港鐵使用率最低既車站—大窩口

•比賽用地圖
9點鐘返到屋企檢討今日賽事,,,如果一開始唔上17號就會多20分,, 但可能唔夠時間上唔到21號，仲要冒住超時既危機......  總而言之，唔好後悔自己所做既決定。
不過我既體力真係唔得... 跑兩下就冇氣
10點即訓Z..