路段簡介
上次10月11號行雞公嶺，未到高程點374就要宣佈緊急撒退。
原因：遲出發、搵唔到路上山(最後爆左上去)、時間控制唔到同埋水量唔夠。
最後決定緊急撒退。
感恩既係，返到屋企一陣，個天就係咁落雨，如果我仲係雞公嶺上面......

今次再戰雞公嶺，8點50分已經去到起點，補救左上次遲出發既缺點。
(上次成11點成到起點....... 冇計，本人鐘意訓)
亦都帶左3L水，相信唔會有唔夠水既問題。
至於路方面，上次落山果陣知道條路係電塔後面，今次搵都唔駛搵!!!

長度		5.75 公里
需時		5   小時
難度		****
路線	逢吉鄉 > 高程點374 > 雞公嶺主峰 > 橋頭
地圖                     尊重知識產權, 若有需要, 請到地政處地圖銷售處購買

進場交通

•76K逢吉巴士站

前往登山口

•沿車路走

行山路段

•永世記住呢個電塔

所以話，技術要配搭埋經驗先至係Effective!!!!

上山果陣，有少少傷風，好多鼻涕，又懶得拎tissue出黎，又唔想製造垃圾，於是就.....  拎樹葉??? nono! 係直接落地下.......•-''

慢慢上山，過埋上次宣佈緊急撒退既地方，直標高程點374!!!

•上次決定緊急撒退既地點(你睇下個時間先講啦 `..... `)

•一個舊既三角網測站

•高程「參考」點，即係點呀？？準唔準架xD

過左高程點374後，急落山再上山，路途陡斜及多碎石

•你揀邊條？？  我揀左7字路(左手面第二條呀)，因為太斜所以我係踐住d草上

又上又落，又停又影，上纒上纒，話咁快就到左雞公嶺主峰啦-V-

•雞公嶺主峰，572米   條柱bun左一忽

•Lunch, 美心排包$11

•扔左個高度計去啦=.=

食完排包影埋相，曬得濟走人。過左山頂以為落山啦, 點知之後既路段仲死，
又上又落，好似飛機降落咁落小小上少少，又落少少上少少 ，.......。

不如緊急撒退返逢吉好唔好...???

•載埋我落去丫﹗

•見到蕉徑村，不過根據行山theory第1條：「見到目的地，仲要行多兩個鐘」
    呢條theory冇記錯係創立於八仙嶺落鶴藪果陣. 明明望到水塘，但仲要行多個幾鐘先到......

行雞公嶺絕對唔係考你體力，而係考你眼力(色盲既分唔到邊條路邊d係草)同記憶力...--}}
不過冇緊要啦....有山友會(唔係好記得係咩名，咁上下啦...)既橙色絲帶引路﹗

•絲帶帶路，無需地圖~

落下落下，落到第二個台地(上網睇返應該係戰壕，但我覺得係坑渠蓋)轉右落山

•第二個台地

•唔係條絲帶都唔覺呢度有路.....

•遠足會經典金句：有坑呀﹗﹗﹗— 呢個坑仲要係正路中間,, 小心插左隻腳入去
  因此，呢個坑既洞口位，我稱之為「坑口」....   溫度急降3度

•穿過水管上返粉嶺公路閃人

離場交通

係橋頭巴士站等左一陣車，有架紅Van黎，咁就上左車。
兩點半左右到上水，落車果陣"陷"到個頭,,,,>>痛<<!
係上水食左d野就返屋企。

寫既行山紀錄果陣，橫計掂計都係計得6公里唔夠，但今日行落真係唔止咁少.....
得512Mb既記憶體唔夠影，去到最尾果10幅8幅個像素改為低左好多....
年尾去睇日出要買張8Gb既記憶卡先得。
西貢四灣簡直係謀殺我既Card Memory

有200幾幅相，想睇其他就去Qooza相簿或者MSN Spaces 啦=V=

相關連結
•kill標紀錄