路段簡介
 

天文台又fake人了...  又話部分時間有陽光.... 

呢條路線超長, 24.5公里, 且中途又冇退出路線, 亦沒有補給，平安行得哂都好值得自豪~xD

入烏蛟騰既小巴0745開，但太早故約8點
一心諗住坐275R
但去到巴士站先知原來275R頭班係0845.......    

無辨法之下決定坐小巴入大尾督...    坐小巴係龍尾落，沿新娘潭路行入烏蛟騰，黎個正宗既「環走船灣淡水湖」

長度		24.5 公里
需時		來回共     10.5     小時
難度		****
路線	龍尾 > [新娘潭路] > 新娘潭 > 烏蛟騰 > [船灣淡水湖郊遊徑] > 伯公咀 > [長2k的主壩] > 大尾督
地圖                      尊重知識產權, 若有需要, 請到地政處地圖銷售處購買

進場交通
小巴20C
九巴75K   龍尾站
[ 20C部分班次會以烏蛟騰為終點站，出發前可先做功課 ]
[ 假日更可乘搭275R直達新娘潭 ]

•龍尾
應該同司機講話路口有落，而唔係龍尾有落﹗

前往登山口

•一個唔錯既執野位xDD

想搵間士多買支寶礦力, 但係冇一間有咁早開門............

•沿新娘潭路行入新娘潭

•今日既行程前瞻

•小巴..........﹗？？     冇可能架﹗7：45之後果班車係9：45先係大埔開ga!!!!!!   而家先係9點02分﹗

沿途仲比我遇到5架小巴入烏蛟騰同2架巴士入新娘潭.           搭8點9架巴士仲快過行入去 +.+

•就到新娘潭啦...   已經望到馬頭峰

•見到巴士站啦....    行左成粒鐘入黎
轉右沿小徑過烏蛟騰

•亭後先見到往涌尾塊牌，上多少少過埋條之字型路口就會見到往烏蛟騰塊牌

•地質公園!??
其實保護地質公園既最佳辨法就係唔設立地質公園
你信唔信係不久既將來有條巴士線，甚至鐵路直入東壩？

船灣淡水湖郊遊徑起點路口係右手面

行山路段


•準備登山啦喂!

•係一開始呢段爆上200幾米，之後全程近乎平contour咁濟

•到山嶺

•馬頭峰

•望見終點啦^^

 
•落少少再上少少去赤馬頭

•赤馬頭

•雖說是郊遊徑，但部分路段卻較陡峭危險

•原來高程點311呢座山叫做「雞仔峒」

•沿途標距柱..  C2606  個數字幾好;)

•橫嶺坳

橫嶺坳係個三叉口，一邊落下苗田，另一邊往大峒 (與小康)

•往下苗田

•向大峒進發﹗

•就快日中天啦!!!   曝曬指數急升
不過出太陽都好ge, 咁相機既曝光率大d，影出黎d相清靚d

 
•路不難走

 
•大峒


•千奇百趣—最多天然石苐既山頭

大峒過觀音峒既山路平坦，且面向印洲塘海，風景1流﹗
始終我最鐘意既海灣係印洲塘，而海峽就梗係赤門海峽啦!!!!!!

 
•沿路一攝

•北望美景

•觀音峒

過鹿湖峒係個挑戰...   因為要落到谷底既紅石門坳，再急攀上鹿湖峒!

•直插谷底紅石門坳

•紅石門坳

•紅石門

•地下係d紅色既石頭

•last一段仔就到鹿湖峒

•鹿湖峒

•搵個陰間大休

•出黃竹角咀條路

 本來我都想入一入黃竹角咀, 但諗過冇咩意義, 倒不如下次係紅石門爆上黃竹角咀過夜睇日出仲好~

•今日全程見既預算時間 座底都1粒鐘

•開始落山啦^^  

•真係唔想再行啦...........................

•落到底有個好正既陰間，係度hea左成三個字
呢個可算係最後一個陰間，因之後路段雖近乎平坦，卻冇樹蔭
加上由烏蛟騰出發至此，行友漸露疲態，如果唔夠水就更有可能會中暑添

•上路啦﹗  

•鵝髻頂，山腰繞過

•睇返今日行既路.....  都只係行左三分之二

•離開鵝髻頂不久，有一路段非常陡峭及滿佈深坑碎石
睇《八仙腳下》話呢條路叫跌死狗，但我上網搵到資料話鹿湖峒後一座295標的山先叫跌死狗

•睇返「假跌死狗」，仲以為係泥石流tim -.-

•歸途一攝
 

•美麗的赤門海峽

•三門山山腰繞過
 

•老虎笏養珠場       已廢棄

•個「尾」字改過黎
唔知邊個話大尾篤唔老禮, 要雅化
但其實大尾篤個「尾」同「篤」字都有盡頭既意思，代表呢個地方係大埔既最深處
大「尾篤」其實正正表達出呢個地方既地理位置﹗﹗

•幾經辛苦終於到長牌墩啦

•位於長牌墩既警告牌

•目標漸近

•老虎笏潟湖

•日落西山

•見到靚石級既話即係到.......... 伯公咀

•船灣淡水湖副壩

•好靚靚既赤門海峽啊

•溢洪水壩

溢洪水壩行多k半左右到壩尾

•過呢個閘都係一個考驗
事實證明揹袋係過唔到ge

•夕照八仙嶺
點解條主壩可以咁長 \_/       足足有2公里

•日落

離場交通
•大尾篤巴士站

總括而言，呢段路既長又辛苦，更冇退出路線﹗﹗﹗講真短期內我一定唔會再行呢段﹗
如果各位真行想行ge話, 建議由烏蛟騰上，大尾督落。
因為
1) 行完山落到大尾督有大量補給
2) 落左伯公咀之後係車路黎, 就算太陽落左山都冇問題﹗
3) 先苦後甜.  落左鵝髻頂之後既路段輕鬆易左，上落差不大
4) 大尾督既離場交通總比烏蛟騰或者新娘潭好! 行到9點10點都唔怕冇車搭﹗ 
5) 如果計岩時間，落到主壩仲可以睇埋日落

相關連結
•kill標紀錄
 

關鍵字：大尾篤 大美督 大美篤 大尾督 大尾篤正寫 涌尾 涌背 涌尾燒烤 龍尾 新娘潭路 烏蛟騰 小巴入烏蛟騰 船灣淡水湖 船灣 船灣淡水湖郊遊徑 郊遊徑 郊遊徑之最 最難郊遊徑 最長郊遊徑 馬頭峰 馬頭嶺 鹿湖峒 峒字點解 峒 赤馬頭 雞仔峒 大峒 橫嶺坳 下苗田 吊燈籠 吉澳 往灣洲 東平洲 東平洲平 牛屎 牛屎湖 觀音峒 紅石門 紅石門坳 烏洲塘 紅石 鹿湖峒 黃竹角咀 跌死狗 鵝髻頂 跌死狗位置 赤門海峽 赤門 三門山 長牌墩 老虎笏 老虎笏珍珠 香港珍珠 伯公咀 潟湖 船灣淡水湖副壩 主壩長度 主壩幾長 溢洪壩