路段簡介
漁翁鋤田戲清水
漁翁—釣魚翁   (山名not人名)
田—田下山 && 五塊田
清水—大清      (即清水灣正灘)

========================================
有另一個好正既名    " 六個四買五塊田 "                       
六個四—91既車資
五塊田—起點
========================================

第二次上釣魚翁
第一次上係F.3果陣，被同學拉左去行，應該係第一次正式行山
睇返MSN SPaces D相，果時  仲好細過~~ xDD  
轉眼眼已3年了

講左正經野先

•天文台今次測得好準
   今日1點幾落左陣雨(田下山)，夜晚6點幾就真係好大雨(屋企..  好彩)

晨8半鑽巴總      8點半鑽石山公共運輸交礇處等  
五塊田出發，經山火瞭望台去上洋山

長度		7.25 公里
需時		共     4.25     小時
難度		***
路線	五塊田 > 廟仔墩 > 釣魚翁 > 蝦山篤 > 田下山 > 大廟(天后古廟) > 布袋澳
地圖                      尊重知識產權, 若有需要, 請到地政處地圖銷售處購買

進場交通
 
•五塊田站          
個名好得意.    仲有個叫二塊田既係附近，中間蝕左三塊田xxD

落左車後過對面就係起點.  但我居然會set左做2個Check Points

行山路段


•亭

•一開始係一大段樓梯

•上完樓梯後不久會見分叉口，轉左

•又係一大段樓梯路... /.\
上完樓梯路後, 平一段仔contour就會見到山火瞭望台

•遠觀山火瞭望台

•好有北海道既花田feel

•越野單車徑 Vs 郊遊徑
開頭一段會同越野單車徑交疊，我地直人，單車徑S字形咁上

•比騎車者睇，唔好以為係比d 污糟野睇

•今日好大霧
正所謂 「人黑唔駛淋墨汁」, 點解星期一至 星期五都可以咁好天冇霧，反而行山果日就大霧到喊？

上洋山山腰繞過，冇上頂

•兩條路都得，但我會選擇條平contour既路

•印證覑蒼海桑田的道理...

•離開郊遊徑，轉左上廟仔墩

•上廟仔墩條路


•細霧左小小


•墩頂小休 & 小便

•今日既小食    正餐冇出場

•主角出場﹗
廟仔墩係影釣魚翁最尖最有氣勢既地方

•山腳望上去都唔係好尖姐~

•望返廟仔墩

•攀翁路

•就到

10分鐘爆左上翁頂，痴左線      (1025-1035)

•釣魚翁kill標

唔知做乜今日山頂好多昆蟲
頂唔順於是象徵式抖左1分鐘就即落山

•其中一個超高位

•過左兩個高位後，條路好行左好多  (但都幾斜下)

7分鐘落到山腳塊平地，快到連自己都唔信   (1036-1043)

•望返上去其實冇咩料到

•舊石"銀"到我屎忽

 
•隱約望到觀塘

•過平地後沿泥路接回郊遊徑

•呢個平地好有印象        上次有班小學雞係度搞活動，個個坐哂係地下度 ^口^

•循郊遊徑向蝦山篤進發

•途中望日出康城及將軍澳一帶

•望大清 (清水灣正灘)

•沿路都係山腰小徑，左望清水灣，景色怡人

•有冇人知今日清水灣發生咩事？

•見一不知名三角網測站

•睇個款座田下山都唔野少

•蝦山篤

•呢塊牌好有印象，100% sure 3年前入個去
   但入去為左咩就真係唔記得.....

•1路落大坳門道
   2路上田下山
   3去往「路不通行」牌

我地行2路，即係跟郊遊徑上田下山

•從蝦山篤起步後不久，發現一 D.C. 位

•D.C. 位外望

•上田下山既奪命樓梯

•途中見將軍澳堆填區

•就到山腰啦 !!!

•山友們上去kill標啦喂﹗
   自己搵路上去啦﹗   小弟係山腰爆上去   上到頂會有條明顯路通去支標度~

•田下山山頂

係山頂KO左條蕉~~
岩岩好食完條蕉，個天即刻放水
做到熟哂，30秒唔駛 set 好左個Raincover同頂帽，拎pole即閃人

要讚下天文台先! 

•望回田下山山腰
   田下山觀日相信會係超級靚~~~﹗﹗﹗

落到山腰，d雨勢係細左，但都有少少雨mei mei
似乎圓唔到康城夢啦

•個天黑哂

•快快閃人先

不過落完雨涼爽左好多倍

 
•布袋澳

•天后古廟

•夠唔夠膽企上去影相？   D.C. 位喎﹗

•頭先上左幾多級樓梯，就要落返幾多級樓梯﹗

•出到黎啦﹗

•清水灣鄉村俱樂部   
    轉右有石屎路落廟同石刻

•路口有牌

•清水灣宋代石刻  (我想講係咩都睇唔到lo)

•天后古廟

廟前大片空地影相一流﹗

•碼頭

•天色唔錯

見天色唔錯，決定照舊落康城
順便去埋tvb電視城探下tv buddy

•天后廟旁有條路，沿此路繞山田下過佛堂澳

到分叉口時，見漁農處楝左塊路牌係度
唔知整咩工程，加上落完雨唔想搵命摶，唯有下次check清楚塊牌既來龍去脈先行
** 根據網上資料，要沿此路前往康城，需綑邊繞過堆填區工地**

•完全粉碎左我地既康城夢

•行另一條路出返大坳門路

天后廟黎既係條靚路，而呢條捷徑係條爆林路
兩邊d草勁密，勁多蛛蜘網，但地圖居然夠膽死話呢條路係明顯路!!!! 

•接返郊遊徑

•入村啦...

•村內數影



•魚翁田下映布袋
買左個黑糯米茶果食~~  幾好味

•無一次例外 #.#
   次次因天氣問題而改變終點既話，一定會係藍天白雲.  今次仲要勁曬       吹脹OxO


離場交通

•布袋澳小巴站

•有冇人知呢個代表咩意思

等左足足半粒鐘先有小巴到。 d班次好疏
$7.5出坑口。
係厚德商場食完下午茶,,, 就坐港鐵返家^^

•坑口站

•食屎啦
    坑口去康城點都要係將軍澳轉車啦 !!!    寫出黎做咩？？引我﹗﹗？？
    去上環夠要係北角轉車啦﹗又唔寫埋出黎？？
    去油麻地夠要係調景嶺轉車啦﹗又唔寫埋出黎？？
    去柴灣夠要係北角轉車啦﹗又唔寫埋出黎？？
    去沙田夠要係調景嶺同九龍塘轉車啦﹗又唔寫埋出黎？？
                                           .
                                           .
                                           .
                                           .
                                           .
 

完了，這年度行山活動圓滿結束了。
過一兩個星期寫埋份 "2009-2010年度行山年報"   笑^^ .

要專心考A-Level啦﹗

==============================================================================

F.3果陣，連行山係d乜都未知果陣就跟左pk陳去行
第一次即黎d激野
好記得係大坳門開始上山
唔記得東南西北邊條路上釣魚翁，總之要爬石上去啦
去到山腳果陣竟然有家長派勞工手套...         (我係屬家教會遠足組而唔係學校既遠足會) 
腳震震咁上但又幾刺激喎~
果時懶寸咁將支pole扣係胸前，"銀"鬼住哂好辛苦

釣魚翁支標應該係我第一支正式kill既標，當然果時就梗係唔知乜野黎啦^-^
落山既路印象中係條不明顯小路，兩邊有草，我地係 "sir" 落去~

如無錯誤，應該係逆行今日既路
但上次d草係枯黃色而唔係翠綠

沿路繼續行啦，過左田下山之後一座矮山仔 (今日去到一認就認到) 就影大合照，最後就落布袋澳。
自此就愛上左行山啦~~~~~~~~

各位同路人我地又要出發啦﹗

•n年前影既相 from MSN SPACES   
影得6幅，但呢6幅相比起六福珠寶賣既野仲要珍貴
當然仲有其他啦,,, 但果d係hard copy

================================================================================

相關連結
•kill標紀錄

關鍵字：釣魚翁 釣漁翁 日出康城行山 日出康城 五塊田 三塊田 二塊田 清水灣 相思灣 田下山 田下觀日 田下日出 大廟 布袋澳 布袋澳村 布袋澳交通 清水灣鄉村俱樂部 交通標誌 坑口 佛堂門 佛堂洲 天后廟 大坳門 蝦山篤 釣魚翁超高位 釣魚翁危險 釣魚翁安全 釣魚翁難度 廟仔墩 上洋